12.10.2022 |
АҚПАРАТТЫҚ ХАБАР
2022 жылы 12 қазанда Қазақстан Республикасы Орталық сайлау комиссиясында Салтанат Пархатқызы Тұрсынбекованың мемлекеттік тілді еркін меңгергендігін анықтау бойынша Лингвистикалық комиссияның отырысы өтті.
Лингвистикалық комиссия кандидаттың мемлекеттік тілді еркін меңгергендігін үш бағыт бойынша анықтады: шығарма жазу, қазақ әдебиеті классиктерінің шығармасынан үзінді оқу, кандидаттың таңдаған тақырыбына шаршытоп алдында сөз сөйлеу.
Емтихан аяқталған соң, комиссия талқылау өткізіп, қорытындылады.
Отырыстың қорытындысын Лингвистикалық комиссияның төрағасы, филология ғылымдарының докторы, профессор Әділ Құрманжанұлы Ахметов баяндады.
Кандидат «Заң үстемдігі» тақырыбына шығарма жазды. Жазба жұмысы мазмұны, стилі, емлесі, тыныс белгілері бойынша бағаланды. Екінші тапсырма бойынша Ғабит Мүсіреповтың «Ұлпан» романынан үзінді оқыды. Үшінші тапсырма бойынша «Адал еңбек – игілік көзі»» тақырыбына ойын ауызша баяндады.
Емтихан қорытындысы бойынша Лингвистикалық комиссия Қазақстан Республикасының Президенттігіне кандидат Тұрсынбекова Салтанат Пархатқызы мемлекеттік тілді еркін меңгергендігі туралы ашық дауыспен бірауыздан шешім қабылдады.