ҚР ОСК мүшелерінің ТМД Парламентаралық Ассамблеясы өкілдерімен кездесуі

2021 жылғы 9 қаңтарда Қазақстан Республикасы Орталық сайлау комиссиясы мүшелерінің ТМД Парламентаралық Ассамблеясы өкілдерімен кездесуі өтті.

ҚР ОСК төрағасы Берік Имашев кездесуге қатысушылар мен ТМД Парламентаралық Ассамблеясының бақылаушылар тобының үйлестірушісі А.П. Майоровқа Қазақстан Республикасындағы сайлауды бақылау жөніндегі шақыруды қабылдағаны үшін алғыс айтып, байқауда табыс тіледі.

Кездесу барысында ОСК мүшелері халықаралық байқаушыларды ағымдағы сайлау науқанының дайындық барысы, оның кезеңдері және дауыс беру күніне дайындық туралы хабардар етті.

Еске саламыз, 2020 жылғы 23 желтоқсанда онлайн-форматта ҚР ОСК мүшелері Бас хатшы – ТМД ПАА Кеңесі Хатшылығының басшысы Д.А. Кобицкийдің басшылығымен ТМД-ға қатысушы мемлекеттердің Парламентаралық Ассамблеясының бақылаушылар тобымен кездесіп, онда ҚР Парламенті Мәжілісі мен мәслихаттары депутаттарының сайлауын дайындау және өткізу мәселелерін талқылады.

Кездесу қорытындысы бойынша бұқаралық ақпарат құралдарының өкілдері үшін брифинг өтті.