ҚР ОСК Жас мемлекеттік қызметшілер арасында сайлау заңнамасының конституциялық негіздерін білуге арналған акция өткізеді   

Бүгін Қазақстан Республикасы Тәуелсіздігінің 30 жылдығын мерекелеу аясында Орталық сайлау комиссиясы Мемлекеттік қызметші күніне арналған Жас мемлекеттік қызметшілер арасында сайлау заңнамасының конституциялық негіздерін білуге арналған акция өткізеді.

Республикалық деңгейде орталық мемлекеттік және жергілікті атқарушы органдар қызметшілерін тартумен акцияны өткізу жастардың, олардың ішінде мемлекеттік қызметшілердің электораттық-құқықтық мәдениетін арттыруға бағытталған.

Акция Ортсайлаукомның инфокоммуникациялық платформасында бір уақытта онлайн-тестілеу форматында өтуде. Тесттің тапсырмалары Қазақстан Конституциясы мен «Қазақстан Республикасындағы сайлау туралы» Конституциялық заңды білуге арналған 40 сұрақтан тұрады.

Іс-шара нәтижесінде ең көп балл санын жинаған қатысушылардың арасынан ел деңгейінде үш жеңімпаз, әр мемлекеттік орган мен әрбір өңірде бір жеңімпаздан анықталатын болады.

Акцияға 563 мемлекеттік қызметші қатысып отыр, олардың ішінде 121 – 14 министрлік пен 4 агенттіктің қызметкерлері болып табылады, 442 – облыстардың, республикалық маңызы бар калалардың және астананың атқарушы органдарының өкілдері.