ҚР ОСК-ның Төрағасы Берік Мәжитұлы Имашев халықаралық конференциясының жұмысына қатысты 

2021 жылғы 13-14 мамырда Санкт-Петербург қаласында (Ресей Федерациясы) «Сайлау процесінің технологиялары және сайлау мониторингі» атты халықаралық ғылыми-тәжірибелік конференция болды, оған Қазақстан Республикасы Орталық сайлау комиссиясының Төрағасы Берік Имашев қатысты.

Іс-шара Демократияның, парламентаризмнің және ТМД ПАА-ға мүше мемлекеттер азаматтарының сайлау құқықтарын сақтаудың дамуын бақылау жөніндегі халықаралық институттың құрылғанына 15 жыл толуына арналған.

2021 жылы 13 мамырда халықаралық конференция шеңберінде Ресей Федерациясы сенаторларының көшпелі кеңесі өтті, онда халықаралық сайлауды байқау институты, сондай-ақ сайлау процестеріне шетелдіктердің араласуына қарсы тұру мәселелері қаралды.

Сол күні халықаралық конференцияның пленарлық отырысы өтті, онда халықаралық сайлауды байқаудың қағидаттары мен стандарттары, жаңа ақпараттық технологияларды енгізу, сайлау науқандарындағы әлеуметтік желілер мен мессенджерлердің рөлі талқыланды.

2021 жылы 14 мамырда конференция жұмысы ТМД ПАА Сестрорецк қаласында «Азаматтар мен билік диалогы» атты көшпелі халықаралық семинарымен, сондай-ақ «Электрондық дауыс беру: перспективалар мен міндеттер» тақырыбындағы дөңгелек үстелмен жалғасты.

Іс-шараға ТМД ПАА-ға мүше-мемлекеттердің парламентарийлері, халықаралық ұйымдардың өкілдері, ТМД елдерінің сайлау органдарының басшылары мен өкілдері, ғалымдар мен сарапшылар және қоғамдық ұйымдардың өкілдері қатысты.