Қазақстанның сайлау комиссиялары A-WEB оқыту бағдарламасына қатысуда

2021 жылғы 13-22 сәуір аралығында республиканың сайлау саласының өкілдері Корея Республикасы Үкіметінің қолдауымен Дүниежүзілік сайлау органдары қауымдастығы (A-WEB) ұйымдастырған «Сайлауды басқару әлеуетін арттыру: сайлаушыларға білім беруді күшейту» Бағдарламасының 1-ші кезеңіне қатысты. Оқыту курсы сайлау органдары қызметкерлерінің кәсіби деңгейін арттыруға және сайлау мәдениетін, азаматтық білім беру мен құқықтық ағартуды дамыту мәселелерін шешу тәсілдерін зерделеуге жәрдемдесуге бағытталған.

Бағдарлама сайлаушыларды оқыту жөніндегі іс-шараларды жоспарлау және іске асыру кезінде стратегиялар мен алгоритмдерді әзірлеуге және әрбір елдің ерекшелігін ескере отырып, сайлаушыларды оқыту жөніндегі тиімді бағдарламаларды дамытуға ықпал етуге бағытталған. Бірінші кезеңде қатысушылар басқа елдердің тәжірибесін және сайлаушыларды оқыту бағдарламаларын әзірлеу кезінде ескеру қажет негізгі элементтерді талдады.

Бағдарламаға түрлі елдердің сайлау органдарының өкілдері қатысты. Қазақстандық команданы ҚР ОСК аппаратының электораттық оқытуды ұйымдастыру және талдау бөлімінің қызметкері, Атырау, Павлодар облыстары мен Нұр-Сұлтан қаласының аумақтық сайлау комиссияларының хатшылары таныстырды.

Екінші кезең 2021 жылғы 17-26 тамыз аралығында өтеді, онда қатысушыларға сайлаушыларды оқытудың елдік бағдарламасын әзірлеуге мүмкіндік беріледі.