31.03.2021 |
ҚР ОСК халықаралық дөңгелек үстел жұмысына қатысты
2021 жылғы 31 наурызда ТМД Парламентаралық Ассамблеясына қатысушы мемлекеттердің Демократия, парламентаризм және азаматтардың сайлау құқығын сақтау жөніндегі халықаралық бақылау институтымен және Қырғыз Республикасының Сайлау және референдум өткізу бойынша орталық комиссиясымен бірлесіп ұйымдастырылған «ТМД ПАА-ға мүше мемлекеттердегі референдумдар: құқықтық реттеу және халықаралық байқау» тақырыбында халықаралық дөңгелек үстел болды.
Халықаралық дөңгелек үстел жұмысына Қазақстан Республикасы Орталық сайлау комиссиясының мүшесі Анастасия Щегорцова қатысты.
Дөңгелек үстел барысында ТМД Парламентаралық Ассамблеясына қатысушы мемлекеттердің тәжірибесін ескере отырып, халықаралық стандарттар, референдумды құқықтық реттеу және ұйымдастырушылық қамтамасыз ету, референдумдардың өткізілуін халықаралық байқауға қатысты мәселелер талқыланды.
Дөңгелек үстелге сондай-ақ Ресей Федерациясы, Әзірбайжан Республикасы, Беларусь Республикасы, Қырғыз Республикасы, Тәжікстан Республикасы, Армения Республикасы, Молдова Республикасы парламенттерінің, сайлау органдарының өкілдері, сарапшылар қатысты.
Қорытындыда дөңгелек үстелге қатысушылар референдумдарды дайындау және өткізу тәртібін реттейтін заңнаманы одан әрі жетілдіруді мақсатты деп санайтын соңғы Қарар жобасын талқылады және негіз ретінде қабылдады.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
a.khusainova@election.gov.kz
v.zheksembekova@election.gov.kz