01.03.2021 |
ҚР ОСК аппаратының өкілі Үндістанның демократия және сайлауды басқару халықаралық институтында білім алды
Ағымдағы жылдың 22-26 ақпан аралығында Үндістанның демократия және сайлауды басқару халықаралық институты (IIIDEM) ұйымдастырған «Сайлау технологиялары саласындағы әлеуетті арттыру» тақырыбындағы онлайн-курсқа электораттық оқытуды ұйымдастыру және талдау бөлімінің өкілі қатысты.
16 елдің сайлау органдарының өкілдері қатысқан курстың мазмұны сайлау процесінің барлық кезеңдерінде, соның ішінде электрондық дауыс беруді ұйымдастыру және сайлау қорытындыларын шығару кезінде қазіргі заманғы технологияларды пайдаланудың басшылыққа алынатын қағидаттарына, халықаралық тәжірибеге және практикалық аспектілерге арналды.
Оқыту барысында сайлау технологияларын пайдалану тәжірибесі туралы елдік интерактивті презентациялар ұйымдастырылды, оның қорытындысы бойынша сайлау процесіне цифрлық технологияларды енгізудің перспективалары мен проблемалық мәселелерін талқылау және пікірталастар өткізілді.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
a.khusainova@election.gov.kz
v.zheksembekova@election.gov.kz