ҚР Президенті жанындағы Мемлекеттік басқару академиясының филиалдарында Қазақстанның сайлау жүйесін дамыту бойынша дәрістер өтті 

Қазақстан Республикасы Президентінің жанындағы Мемлекеттік басқару академиясының облыстарда және Алматы мен Шымкент қалаларында орналасқан өңірлік филиалдарында мемлекеттік қызметшілер үшін "Қазақстан Республикасының сайлау жүйесін дамыту" тақырыбына ашық дәріс өтті.

Оқыту іс-шарасы филиалдардың профессорлық-оқытушылық құрамын тарта отырып өтті. Олар өз сөздерінде халықаралық сайлау қағидаттары мен стандарттарын ұлттық мүдделермен ұштастыра отырып ұстанымдарына әлемдік қоғамдастыққа сенімді кірген тәуелсіз Қазақстанның сайлау жүйесі қалыптасуының негізгі заңдылықтарын ашты.

Академия филиалдарының тыңдаушылары мемлекеттік биліктің заңдылығын қамтамасыз етудің ажырамас тетігі болып табылатын сайлауды ұйымдастыру және өткізу тәжірибесіне, сайлау құқығының конституциялық негіздеріне қатысты мәселелерді үлкен қызығушылықпен талқылады.

Мемлекеттік қызметшілердің сайлау-құқықтық мәдениетін арттыру жөніндегі іс-шараларды ұйымдастырудың ауқымдылығы мемлекеттік қызметтің жергілікті өзін-өзі басқаруды дамыту, азаматтық қоғам институттарының қызметін жандандыру және азаматтардың сайлау құқықтары мен бостандықтарын кеңейту арқылы қоғамды жаңғыртудағы маңызды рөліне негізделген. Қазақстан Республикасының Президенті Қасым-Жомарт Кемелұлы Тоқаев VII шақырылымдағы Парламенттің жаңартылған құрамының бірінші сессиясының ашылуында сөйлеген сөзінде нақ осы мақсаттарды мемлекеттің алдына қойды.