09.01.2021 |
ҚР ОСК мүшелерінің Шанхай Ынтымақтастық
Ұйымының бақылаушылар миссиясымен кездесуі
Қазақстан Республикасы Парламенті Мәжілісінің және мәслихаттарының депутаттарын сайлау науқанын өткізу шеңберінде 2021 жылғы 9 қаңтарда Қазақстан Республикасы Орталық сайлау комиссиясы мүшелерінің Шанхай Ынтымақтастық Ұйымының байқаушылар миссиясымен кездесуі өтті.
ШЫҰ бақылаушылар миссиясының өкілдері 2004 жылғы қыркүйекте Қазақстан Республикасындағы Парламент сайлауына алғаш рет шақырылды. Осы уақыттан бері осы бағыттағы ынтымақтастық кезең-кезеңімен дамып келеді және ШЫҰ кеңістігінде демократиялық өзгерістерді ілгерілетуге оң ықпал етуде. 2004 жылдан бастап ШЫҰ 54 байқау миссиясын құрды, оның 11-і Қазақстан Республикасында.
ШЫҰ Миссиясының өкілдері Қазақстанға келген сәттен бастап Қазақстан астанасында және елдің басқа да елді мекендерінде ағымдағы сайлау науқаны бойынша сайлау процесіне мониторинг жүргізу бойынша жұмыс жүргізіліп жатқанын хабарлады.
Кездесу барысында ҚР ОСК мүшелері ШЫҰ Миссиясының байқаушыларын ағымдағы сайлау науқанының ерекшеліктерімен, оның кезеңдерімен және дауыс беру күніне дайындық барысымен таныстырды.
Кездесу қорытындысы бойынша бұқаралық ақпарат құралдарының өкілдерімен брифинг өткізілді.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
v.zheksembekova@election.gov.kz