Орталық сайлау комиссиясының төрағасы

ТМД Байқаушылар миссиясының басшысымен кездесті

 

 

2021 жылғы 9 қаңтарда Қазақстан Республикасы Орталық сайлау комиссиясында Ортсайлауком төрағасы Б.М. Имашев ТМД Байқаушылар миссиясының басшысы В.Н. Бондаревпен кездесті.

Кездесуде ОСК төрағасы Берік Имашев ТМД Байқаушылар миссиясының мүшелерін 2021 жылғы 10 қаңтарға тағайындалған Қазақстан Республикасы Парламенті Мәжілісі және мәслихаттары депутаттарының кезекті сайлауына дайындық барысымен таныстырды.

ТМД Байқаушылар миссиясының басшысы миссия құрамында 234 бақылаушы бар екенін қысқаша айтып берді. Олар Әзірбайжан Республикасы, Армения Республикасы, Беларусь Республикасы, Қырғыз Республикасы, Молдова Республикасы, Ресей Федерациясы, Тәжікстан Республикасы, Өзбекстан Республикасы, сондай – ақ ТМД-ға қатысушы мемлекеттердің Парламентаралық Ассамблеясы, Беларусь және Ресей Одағының Парламенттік жиналысы, ҰҚШҰ Парламенттік Ассамблеясы және Тәуелсіз Мемлекеттер Достастығының Атқарушы комитеті.

Виктор Бондарев бұл сайлау Қазақстан Республикасындағы үлкен дәйектілік пен тұрақтылыққа ықпал ететінін атап өтті. Экономикалық дағдарыс және коронавирустық инфекцияның Дүниежүзілік пандемиясы кезеңінде Қазақстанға Парламент қажет, ол мемлекеттің мемлекеттік құрылымының беріктігін қолдай алады.

Кездесу соңында бұқаралық ақпарат құралдарының өкілдері үшін брифинг өтті.

Қазақстан Республикасы

Орталық сайлау комиссиясының

Баспасөз қызметі

тел. 75-21-03, 75-23-69

a.khusainova@election.gov.kz

v.zheksembekova@election.gov.kz

https://t.me/electionelection