09.01.2021 |
Қазақстан Республикасы Орталық сайлау комиссиясы мүшелерінің шет мемлекеттердің Орталық сайлау органдарының өкілдерімен кездесуі
2021 жылғы 9 қаңтарда Қазақстан Республикасы Орталық сайлау комиссиясы мүшелерінің шет мемлекеттердің Орталық сайлау органдарының өкілдерімен кездесуі өтті.
Қазақстан Республикасы Парламенті Мәжілісі мен мәслихаттары депутаттарының кезекті сайлауын бақылауға шет мемлекеттердің 11 Орталық сайлау органдарының өкілдері келді, яғни: Армения, Молдова, Ресей Федерациясы, Түркия, Беларусь, Әзірбайжан, Тәжікстан, Өзбекстан, Қырғызстан, Румыния және Филиппин елдері.
ҚР ОСК төрағасы Берік Имашев алғы сөзінде кездесуге қатысушыларға Қазақстан Республикасының қазіргі сайлау науқанын бақылауға қатысқаны үшін алғысын білдірді. Сондай-ақ, кездесу сайлауға дайындық және оны өткізу саласындағы сарапшылардың кездесуінің бір түрі екенін атап өтті, өйткені бүгінгі кездесуге қатысушылардың әрқайсысы өз еліндегі осындай маңызды саяси оқиғаны өткізген немесе оған қатысқан.
Сайлауалды науқанның дайындық барысы туралы ҚР ОСК төрағасының орынбасары Петров Константин Викторович баяндама жасады. Ол қазіргі сайлау науқанының ерекшеліктері, оның кезеңдері және дауыс беру күніне дайындық туралы айтып берді.
Кездесу қорытындысы бойынша бұқаралық ақпарат құралдарының өкілдерімен брифинг өтті.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
a.khusainova@election.gov.kz
v.zheksembekova@election.gov.kz
https://t.me/electionelection