08.01.2021 |
Орталық сайлау комиссиясының Түркітілдес мемлекеттер ынтымақтастығы Кеңесінің делегациясымен кездесуі өтті
2021 жылғы 8 қаңтарда Қазақстан Республикасы Орталық сайлау комиссиясында Ортсайлауком мүшелерінің Түркітілдес мемлекеттердің Ынтымақтастық Кеңесі (Түркі Кеңесі) делегациясының өкілдерімен кездесуі өтті.
Құттықтау сөзден кейін Ортсайлауком Төрағасының орынбасары Константин Петров байқаушыларды 2021 жылғы 10 қаңтарға тағайындалған Қазақстан Республикасының Мәжілісі мен мәслихаттары депутаттарының кезекті сайлауына дайындық барысы туралы қысқаша хабардар етті.
Кездесу барысында Орталық сайлау комиссиясының мүшелері делегация мүшелерінің Қазақстанның саяси партияларының үгіт қызметіне, сайлау комиссияларының жұмысына, халықаралық байқаушылар мен шетелдік БАҚ өкілдерінің сайлауды байқауға қатысуына қатысты сұрақтарына жауап берді.
Түркі кеңесінің өкілдері Ортсайлауком мүшелеріне кездесу үшін алғыс айтып, сайлауды өткізуде табыс тіледі.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
a.khusainova@election.gov.kz
v.zheksembekova@election.gov.kz
https://t.me/electionelection