Орталық сайлау комиссиясының Түркітілдес елдердің Парламенттік Ассамблеясының делегациясымен кездесуі өтті

2021 жылғы 8 қаңтарда Қазақстан Республикасы Орталық сайлау комиссиясында Ортсайлауком мүшелерінің Түркітілдес елдер Парламенттік Ассамблеясы делегациясының өкілдерімен кездесуі өтті.

Кездесуде ОСК Төрағасы Берік Имашев ТүркПА делегациясын 2021 жылғы 10 қаңтарға белгіленген Қазақстан Республикасының Парламенті Мәжілісі мен мәслихаттары депутаттарының кезекті сайлауына дайындық барысымен таныстырды.

ТүркПА делегациясының басшысы ұйым, оның миссиясы мен құрамы туралы қысқаша айтып берді. ТүркПА делегациясының басшысы Орталық сайлау комиссиясының белсенді жұмысын атап өтіп, алдағы сайлауды өткізуде табыс тіледі.

Естеріңізге сала кетейік, ТүркПА 2008 жылдың 21 қарашасында Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен құрылған болатын. Штаб-пәтері Баку қаласында орналасқан. Халықаралық ұйымның мүшелері Қазақстан, Әзербайжан, Қырғызстан және Түркия болып табылады.