Орталық сайлау комиссиясының

Ұжымдық қауіпсіздік туралы шарт Ұйымының Парламенттік Ассамблеясы делегациясымен кездесуі өтті

 

 

2021 жылғы 8 қаңтарда Қазақстан Республикасы Орталық сайлау комиссиясында Ортсайлауком мүшелерінің Ұжымдық қауіпсіздік туралы шарт Ұйымының Парламенттік Ассамблеясы делегациясының өкілдерімен кездесуі өтті.

Төрағаның орынбасары Константин Петров делегация мүшелерін Қазақстан Республикасының Парламенті Мәжілісі мен мәслихаттары депутаттарының сайлауын дайындау және өткізу жөніндегі Қазақстан Республикасы Орталық сайлау комиссиясының қызметімен таныстырды, ағымдағы сайлау науқанының ерекшеліктері, оның кезеңдері мен дауыс беру күніне дайындық туралы айтып берді.

ҰҚШҰ ПА өкілдері Ортсайлауком мүшелеріне кездесу үшін алғыс айтып, сайлауды өткізуде табыс тіледі.

Қазақстан Республикасы

Орталық сайлау комиссиясының

Баспасөз қызметі

тел. 75-21-03, 75-23-69

a.khusainova@election.gov.kz

v.zheksembekova@election.gov.kz

https://t.me/electionelection