30.12.2020 |
2020 жылғы 30 желтоқсанда Қазақстан Республикасы Парламенті Мәжілісінің депутаттығына кандидаттардың тізімдерін ұсынған саяси партиялардың телевизиялық пікірсайыстары өтті
2020 жылғы 30 желтоқсанда «Хабар» Агенттігі АҚ тікелей эфирінде Қазақстан Республикасы Парламенті Мәжілісінің депутаттығына кандидаттардың тізімдерін ұсынған саяси партиялардың сайлауалды телевизиялық пікірсайыстары өтті.
Қазмедиаорталықтың ғимаратында пікірсайыстың өткізілуіне Қазақстан Республикасы Орталық сайлау комиссиясының, сайлауды партиялық емес бақылау орталығының, Қазақстанның Азаматтық Альянсының өкілдері, сондай-ақ ЕҚЫҰ/ДИАҚБ және ТМД миссияларының халықаралық байқаушылары бақылау жасады.
Телевизиялық пікірсайыста саяси партиялардың өкілдері: Айқын Қоңыров, Қазақстан Халық партиясының төрағасы; Бауыржан Байбек, «Nur Otan» партиясы төрағасының бірінші орынбасары; Әли Бектаев, «Ауыл» партиясының төрағасы; Азат Перуашев, «Ақ Жол» партиясының төрағасы; Эльдар Жұмағазиев, «Адал» партиясы саяси кеңесінің мүшесі қатысты.
Қазақстан Республикасы Орталық сайлау комиссиясы бекіткен регламентке сәйкес телевизиялық пікірсайыс 3 раундқа бөлінген.
Бірінші раундтың тақырыбы «Қазақстанның экономикалық дамуы». Сайлау алдындағы телевизиялық пікірталастар мен жарыссөздердің бірінші раунды екі турды қамтыды. Бірінші турда әрбір қатысушы өзінің сайлауалды бағдарламасын ұсыну мақсатында сөз сөйледі. Екінші тур қатысушылардан өз қарсыластарына «сұрақ-жауап» пікірталас сессиясы түрінде өтті. Қатысушылар қарсыластарына екі сұрақ қойды, сонымен қатар қарсыластар қойған екі сұраққа жауап берді.
Екінші раундтың тақырыбы: «Азаматтардың әлеуметтік әл-ауқаты». Екінші раунд екі турдан тұрды. Екінші раундтың бірінші турында қатысушылар берілген тақырыпта сөз сөйледі. Екінші турда барлық қатысушыларға бір сұрақ қойылды.
Үшінші раундта қатысушылар сайлаушыларға тікелей сайлаушыларға арнап сөз сөйледі.
Регламентте айқындалған барлық рәсімдер сақталды. Қатысушыларға сөз сөйлеу үшін тең мүмкіндіктер мен жағдайлар берілді. Студияда регламенттің сақталуын және пікірталастардың жалпы өткізілуін Қазақстан еспубликасы Орталық сайлау комиссиясының мүшесі Анастасия Щегорцова бақылап отырды.
Қазақстан Республикасы
Орталық сайлау комиссиясының
Баспасөз қызметі
тел. 75-21-03, 75-23-69
a.khusainova@election.gov.kz
v.zheksembekova@election.gov.kz
https://t.me/electionelection