ҚР ОСК-да ТМД-дан байқаушылар Миссиясымен кездесу өтті

2020 жылғы 21 желтоқсанда ҚР ОСК Төрағасы Б.М. Имашевтың ТМД Атқару комитеті Төрағасының бірінші орынбасары - Атқарушы хатшысы В.А. Гуминскиймен кездесуі өтті.

Ортсайлаукомның Төрағасы ТМД–дан байқаушылар Миссиясының мүшелерін сайлаудың жарияланғанынан бастап дауыс беру күніне дейінгі үгіт жұмыстарының негізгі кезеңдерімен қысқаша таныстырды.

Виктор Гуминский өз кезегінде Берік Имашевқа кездесуді ұйымдастырғаны үшін алғысын білдіріп, ТМД-дан байқаушылар Миссиясының байқау әдістері мен принциптері туралы хабардар етті.

«Біздің кездесуімізден кейін, осы күннен бастап ТМД-дан байқаушылар Миссиясының Штабы Қазақстан Республикасындағы кезекті парламенттік сайлауды байқау жөніндегі өз жұмысын бастайды», - деп хабарлады В. Гуминский.

ТМД-дан байқаушылар Миссиясы Қазақстандағы сайлауды, оның ішінде Қазақстан Республикасы Парламенті Мәжілісінің депутаттарын сайлауды байқау бойынша үлкен тәжірибеге ие екенін атап өткен жөн. Достастықтан байқаушылар Қазақстанда он төртінші рет байқау жүргізеді.