2005 жылдың 8 қазанында Қазақстан Республикасы Орталық сайлау комиссиясының төрағасы О.Жұмабеков Ұлыбритания Парламентінің Қазақстан бойынша барлық партия топтары төрағасының орынбасары Дэвид Рафли бастаған британ делегациясымен кездесті.

Британ делегациясының құрамында Лондондық экономика және саяси ғылымдар мектебінің Құрметті профессоры Кеннет Миног, Букингем университетінің профессоры Денис О Киф және "Каспий ақпараттық орталығының" бас директоры Джеральд Фрост бар.

Орталық сайлау комиссиясының төрағасы британ делегациясының мүшелерін Қазақстан Республикасы сайлау заңнамасының негізгі шарттары мен, сондай-ақ Қазақстан Республикасы Президентін сайлау үшін жүргізіліп жатқан сайлау кампаниясының жұмыс барысымен таныстырды.

Орталық сайлау комиссиясы сайлау процесінің барынша ашық, әрі айқын өтуі үшін белсенді жұмыс атқаруда. Халықаралық және қоғамдық ұйымдармен өзара тиімді әріптестік байланыс орнатып, сайлау науқанымен танысуға қызығушылық танытқан тараптармен тығыз қарым-қатынас жасауға қызығушылық танытуда.