2005 жылғы 7 қазанда Орталық сайлау комиссиясында Нұрсұлтан Әбішұлы Назарбаевты Қазақстан Республикасының Президенттігіне кандидат ретінде тіркеу мәселесі бойынша отырыс болып өтті.

Орталық сайлау комиссиясына "Қазақстан Республикасындағы сайлау туралы" Конституциялық заңның 59 - бабының 5- тармағына сәйкес мынадай құжаттар ұсынылған:

1. "Отан" Республикалық саяси партиясы" қоғамдық бірлестігінің "Отан" Республикалық саяси партиясы" қоғамдық бірлестігінің атынан Қазақстан Республикасының Президенттігіне Нұрсұлтан Әбішұлы Назарбаевты ұсыну туралы шешім қабылданған кезектен тыс ҮІІІ сьезі хаттамасының үзіндісі және аталмыш қоғамдық бірлестіктің Республиканың Әділет Министрлігінде тіркелгендігі туралы құжаттың көшірмесі.
2. Н.Ә.Назарбаевтың Қазақстан Республикасының Президенттігіне үміткер ретінде дауысқа түсуге келісім бергені жөніндегі өтініші.
3. Н.Ә.Назарбаевтың өмірбаяндық деректері.
4. азаматтардың Н.Ә.Назарбаевты қолдап жинаған қолдарын тексерудің нәтижесі туралы аумақтық сайлау комиссиясының хаттамалары.
5. кандидат пен оның жұбайының табысы және мүлкі жөнінде декларация тапсырғаны туралы салық органының анықтамасы.
6. кандидаттың сайлау жарнасын енгізгендігін куәландыратын құжат.

Қазақстан Республикасының Орталық сайлау комиссиясы ұсынылған құжаттарды қарай келе, олардың "Қазақстан Республикасындағы сайлау туралы" Конституциялық заңының талаптарына сай келетіндігін анықтады және Нұрсұлтан Әбішұлы Назарбаевты Қазақстан Республикасының Президенттігіне кандидат ретінде тіркеу туралы қаулы қабылдады.