Орталық сайлау комиссиясында Қазақстан Республикасының Президенттігіне тағы бір кандидат тіркелді.

      21 қазан 2005 жылы Орталық сайлау комиссиясының отырысы болып, онда Мэлс Хамзаұлы Елеусізовты Қазақстан Республикасы Президенттігіне кандидат етіп тіркеу туралы мәселе қаралды.
      Орталық сайлау комиссиясына «Қазақстан Республикасындағы сайлау туралы» Қазақстан Республикасы Конституциялық заңының 59 бабының 5 тармағына сәйкес мынадай құжаттар ұсынылды:
     
      1. М.Х.Елеусізовтың Қазақстан Республикасы Президенттігіне кандидат ретінде түсуге ниеті туралы өтініші;
      2. М.Х.Елеусізовтың өмірбаян мәліметтері;
      3. М.Х.Елеусізовты қолдап қол қойған азаматтар қолын тексеру нәтижесі туралы аумақтық сайлау комиссияларының хаттамасы;
      4. Кандидат және оның жұбайының табыстары мен мүлігі туралы декларация беруі жөнінде салық органынан анықтама;
      5. Кандидаттың сайлау жарнамасын енгізгенін куәлендіретін құжат;
     
      Ұсынылған құжаттарды қарап және Қазақстан Республикасы Конституциялық заңының 12 бабының 8) тармақшасына, 59 бабына сәйкес Орталық сайлау комиссиясы Мэлс Хамзаұлы Елеусізовты Қазақстан Республикасы Президенттігіне кандидат етіп тіркеу туралы Қаулы қабылдады.
      М.Х.Елеусізов 1950 жылы туған, ұлты қазақ. Қазіргі уақытта Қазақстан кәсіпорындары мен қауымдастығының «Табиғат» Экологиялық одағының төрағасы, Алматы қаласында тұрады.