Қазіргі уақытта Қазақстан Республикасының Солтүстік Қазақстан, Павлодар, Қостанай және Ақмола облыстары бойынша сайлау учаскелерінің картасы жасалуда және сайлаушылардың электрондық тізімдерінің аражігін салыстыру жұмыстары жүргізілуде.
      Орталық сайлау комиссиясының қолдауымен Павлодар облысында учаскелік сайлау комиссияларының төрағаларына, хатшыларына, саяси партиялардың, Бұқаралық ақпарат құралдарының, сондай-ақ Ақсу, Железнинск және Баянауыл аудандарында әкімияттар мен мәслихаттар өкілдері үшін сайлау науқанын өткізу және ұйымдастыруды заңдармен қамтамасыз ету мәселелері бойынша семинар өтті. Оған 230 адам қатысты.
      Аумақтық сайлау комиссиялары Қазақстан Республикасы Президентіне кандидаттардың сенімді өкілдерін тіркеу жұмысын жүргізді және тиісті куәліктер берілді. Қазақстан Республикасы Президенттігіне кандидат болып тіркелгендерге басылым көлемін және эфир уақытын беру тәртібі мен шарты, төлемі туралы бұқаралық ақпарат құралында ақпарат жарияланды.
      Әділет органдарымен аумақтық сайлау комиссияларымен бірлесіп әр он күндік есептің үлгісі дайындалды. Онда азаматтардың қозғалысы, олардың құжаттандыру тәртібін сақтауы, тұрғындар есебі кітәбінің, штрих кодтардың болуы бақыланады.
      Аталған мәліметтердің және Қазақстан Республикасы Ішкі істер министрлігінің жеке куәлік мәліметтерінің базасы негізінде сайлаушылардың тізімін үнемі нақтылау және дұрыстау жұмыстары жүргізілуде.
      Жеке басын куәландыратын құжаттарды алу, жарамсыз құжаттарды дер кезінде ауыстыру және алда тұрған Қазақстан Республикасы Президенті сайлауына тұрғылықты жері бойынша тіркелу мәселелеріне қатысты
      бұқаралық ақпарат құралдарында үнемі насихат жұмыстары жүргізілуде. Телефон нөмірлері мен тұрған жерін көрсетіп сайлаушылардың тізімдерін жасауға жауапты адамдардың аты-жөндері жарияланған.
      Облыстарда «Сайлау» автоматтандырылған электронды жүйесін енгізудің екінші кезеңін іске асыру аясында сайлау учаскелеріне автоматтандырылған жабдықты орналастыру және учаскелік сайлау комиссияларының мүшелерін аталған жүйе бойынша электронды дауыс беруге оқытып үйрету жұмыстары жүргізілуде.
      Қостанай обылысында сайлаушылардың электронды дауыс беру жүйесімен танысуы үшін сайлау учаскелері ашылған.
      Іс жүзінде барлық сайлау учаскелері дауыс беруді өткізуге дайын.