28.10.2005 |
Облыстық сайлау комиссиясы үнемі баспасөз мәслихаттарын ұйымдастырады, «Қазақстан Республикасындағы сайлау туралы» Қазақстан Республикасы Конституциялық заңын түсіндіру жөнінде төменгі сатыдағы сайлау комиссияларының мүшелеріне оқыту-үйрету семинарларын өткізеді.
Облыстық сайлау комиссиясы төменгі сатыдағы сайлау комиссияларына әдістемелік көмек көрсетуде және олардың қызметіне қажетті материалдық-техникалық жағдайдың жасалуын бақылайды.
Орталық сайлау комиссиясының шешімдерін облыс көлемінде құрылған барлық сайлау комиссияларының орындау барысына бақылау жасайды.
Сайлау науқаны басталғанан бері облыстық сайлау комиссиясы 8 отырыс өткізді, онда алда болатын сайлауға дайындықтың және өткізудің ұйымдастыру мәселелері қаралды.
Белгіленген мерзімде жергілікті бұқаралық ақпарат құралдарында аумақтық және учаскелік сайлау комиссияларының құрамы, сайлау учаскелерінің шекаралары жарияланды. Облыс бойынша 750 сайлау учаскесі құрылды.
Облыстық жергілікті атқарушы органдары сайлаушылардың дұрыс тізімін қалыптастыруға дайындық жұмыстарын жүргізуде және бұл шаралар облыстық сайлау комиссиясының айрықша бақылауында болып отыр.
Сайлаушылардың тізіміне дер кезінде өзгерістер енгізу жөніндегі және азаматтардың есебі бойынша қызметтердің өзара әрекет ету схемасы жасалды, қалалық, аудандық әкімдіктерде сайлаушылар тізімдерін қалыптастыруды жандандыру ісіне жауапты қызметкерлер белгіленді, олардың жұмыс кестесі және телефондары жергілікті бұқаралық ақпарат құралдарында жарияланды.
Мекен-жай-анықтамалық бюросының электрондық қорына түзету жасау жөніндегі жұмыстар жалғасуда.
Қазіргі уақытта елді-мекендердің нақты картасы негізінде жасалған сайлау учаскелерін мекен-жай тізімі бойынша салыстыру жұмыстары жалғасуда.
Бұл әрбір сайлау учаскесінде сайлаушыларға қатысты мәліметті жаңартуға, учаскелер шекаралары туралы мәліметті растауға мүмкіндік береді.
Алда болатын Қазақстан Республикасы Президенті сайлауында облыс сайлаушыларының жартысына жуығы электрондық әдіспен дауыс беру мүмкіндігін пайдалана алады.
Сайлау учаскелеріне электрондық жабдық дер кезінде жеткізілді.
Сайлау учаскелерінің электрондық жүйемен дауыс беруді өткізуге дайындығына күн сайын мониторинг жүргізіледі.
Электрондық жабдықтың сақталуына айрықша маңыз берілді.
Электрондық жабдыққа жүргізілген тестілеу жұмысы жекелеген ақаулықтардың барын көрсетті, оны жою үшін «Қазақстан Республикасы Орталық сайлау комиссиясының инженерлік-техникалық орталығы» Республикалық мемлекеттік кәсіпорынының аймақтық бөлімшелерінің өкілдерінің қатысуымен бірлесіп сайлау учаскелерінің дайындығын тексеруге шығу шаралары ұйымдастырылды.
Электрондық дауыс беруді қамтамасыз ету үшін облыста бекітілген жоспарға сәйкес сайлаушылардың жеке бас куәлігіне штрих-кодтарды жапсыру жұмыстары жалғасуда.
Қазіргі уақытта облыстық сайлау комиссиясының алдында облыста жүргізіліп жатқан үгіт жұмыстарына бақылау жасауды қамтамасыз ету жөнінде үлкен міндеттер тұр.