Қазіргі уақытта Шығыс Қазақстан облысында жергілікті атқарушы органдар сайлаушылар тізімін, сондай-ақ сайлау учаскелерінің егжей-тегжейлі карталарын жасау және оларға түзетулер енгізу жөніндегі жұмыстары аяқталуда. Үй-үйді аралаудың нәтижелері бойынша сайлаушылар тізіміне 13 411 қосымша жазбалар енгізілді.
26 қазаннан бастап штрих-кодтарды басып шығару және оларды сайлаушылардың жеке куәліктеріне жапсыру жұмысы басталды.
Шығыс Қазақстан облысына Қазақстан Республикасының Президентін сайлауды дайындау мен өткізу барысын бақылау мақсатында ЕҚЫҰ/АҚДИБ атынан халықаралық байқаушылар Бйорг Хопе Галтунг (Норвегиядан) және Бруно де Кордиер (Бельгиядан) келді. Халықаралық байқаушылар облыстық сайлау комиссиясының саяси партиялар және үкіметтік емес ұйымдардың өкілдерімен кездесу өткізді.
Қазанның 27–де «Сайлау» электрондық дауыс беру жүйесі қолданылатын барлық 145 сайлау учаскелерінде екінші толыққанды сынақтамалау жүргізілді. Снықтамалаудың нәтижесі бойынша облыстық сайлау комиссиясы операторлармен және мамандармен кеңес өткізді.
Аумақтық сайлау комиссиялары халық арасында сайлаушыларға арналған кітапшаларды тарату жұмысын жалғастыруда.
Облыс әкімі 29 қазан күні Өскемен қаласында ҚР Президентігіне кандидаттар Н. Назарбаев, Е. Әбілқасымов, Ә. Бәйменов, М. Елеусізов және Ж. Тұяқбайдың штабтарының облыстық филиалдары басшыларымен кездесті. Кездесудің қорытындысы бойынша ҚР Президенттігіне кандидаттардың қоғамдық штабтары облыстық филиалдарының басшылары сайлау заңдарын сақтауға және ҚР Президентін сайлау науқанында қоғамдық санамен айла-шарғы жасамау жөнінде «лас технологияларды» пайдаланбауға міндеттеніп, бірлескен Меморандум қабылдады. Бұдан басқа, кездесуге қатысушылар электоралдық және саяси күресте «компраматтар соғысын» өрбітпеуді және өз бәсекелестері туралы жалған ақпарат таратуды, ұлттық-этникалық, ру-тайпалық, этникааралық түйінді мәселелерді пайдалану сыңайлары мен фактілеріне үзілді-кесілді қарсы тұруды міндеттеріне алды.