Қазіргі уақытта Оңтүстік Қазақстан, Жамбыл, Алматы, Қызылорда облыстарында сайлау учаскелерінің комиссиялары сайлау учаскелерін сайлауға дайындау жұмысын өткізуде. «Сайлау» электрондық дауыс беру Автоматтандырылған ақпараттық жүйесі (ААЖ) толыққанды сынақтамалаудан өткізілді. Сайлау учаскелерінің көпшілігі электрондық дауыс беруге дайын. Сайлау комисияларының мүшелері сайлаушылардың тұрғылықты мекен-жайы бойынша сайлаушыларға арналған кітапшаларды таратуда. Облыстарда сайлаушылар тізімін жасау және оларға түзетулер енгізу, нақтылау жөніндегі жұмыстар жалғасуда. Жеке куәліке штрих-кодтарды жапсыру жүргізілуде. Қазақстан Республикасының Президентін сайлауды дайындау мен өткізу мәселері бойынша семинар-кеңестер өткізілуде. Барлық кандидаттарға БАҚ арқылы сөйлеу, үгіт-насихат материалдарын орналастыру, өз бағдарламаларын насихаттау үшін тең жағдай жасау бойынша шаралар қабылданған. Облыстарда шет мемлекеттердің, халықаралық ұйымдардың байқаушыларына, сонымен қатар, шетелдік БАҚ өкілдеріне жәрдемдесу Орталықтары ұйымдастырылған.
Алматы, Оңтүстік Қазақстан, Жамбыл, Қызылорда облыстарына Қазақстан Республикасының Президентін сайлауды дайындау мен өткізу барысын байқау мақсатында ЕҚЫҰ/АҚДИБ атынан халықаралық байқаушылар:
Алматы облысына - Роза Мора Акуна (Испаниядан) және Зоран Джокович (Сербиядан); Оңтүстік Қазақстан облысына - Симеон Апостолов ( Болгариядан) және Джон Клейтон (Англиядан); Жамбыл облысына - Бен Гроен ( Нидерландиядан) және Джоан Браун ( АҚШтан); Қызылорда облысына – Голам Мустафа (Канада) және Пер Виик (Швеция Корольдігінен) келді.
Халықаралық байқаушылар облыстық сайлау комиссияларының, саяси партияларлар мен үкіметтік емес ұйымдардың өкілдерімен кездесулер өткізді.