Оңтүстік Қазақстан, Жамбыл, Алматы облыстарында Қазақстан Республикасының Президентін сайлауды дайындау мен өткізу барысы туралы

Қазіргі уақытта Жамбыл облысында сайлаушылардың тізімін нақтылау және оларға түзетулер енгізу жөніндегі жұмыс жалғасуда. Бүгінгі таңда сайлаушылар тізімінің нақтыланған мәліметтері бойынша 483 420 адам тіркелген, олардың 467386 (96,7 %) «Сайлау» автоматтандырылған ақпараттық жүйесіне енгізілген. Электрондық сайлау жүйесін пайдаланатын барлық сайлау учаскелерінде «Сайлау» электрондық дауыс беру автоматтандырылған ақпараттық жүйесі толыққанды сынақтамалаудан өткізілген. Азаматты тіркеу орны бойынша сайлаушылар тізімінен шығару және оны азамат дауыс беретін учаскесінің тізіміне енгізу туралы тілек білдірген азаматтардың өтініштерін қарастыру жұмысы жалғасуда. Дауыс беруге арналған үй-жайды қажетті құралдармен жабдықтау жұмыстары жүргізілуде. Учаскелік сайлау комиссияларының сайлаушылар үшін кітапшалар алу кестесі жасалған.
Жамбыл және Оңтүстік Қазақстан облыстарында сайлаушылардың жеке куәліктеріне штрих-кодтарды жапсыру жұмысы жалғасуда. Қазақстан Республикасының Президентін сайлауды дайындау мен өткізу барысы туралы мәселе бойынша учаскелік сайлау комиссияларының төрағалары және хатшыларымен, ауданның ауылдық округтері әкімдерінің қатысуымен семинар-кеңестер өткізілуде.
Оңтүстік Қазақстан, Жамбыл, Алматы облыстарында БАҚ-ның сайлау науқаны жөніндегі қызметіне мониторинг жасалуда.
Оңтүстік Қазақстан облысындағы 112 сайлау учаскесі электрондық дауыс беруге дайын. Сайлаушылардың мекен-жайы бойынша кітапшалар мен жаднамаларды жеткізу жұмысы аяқталуда. Учаскелік сайлау комиссиялары сайлау учаскелерін дайындау жұмысын аяқтауда. Алматы облысында қазірде толыққанды сайлау алдындағы үгіт жұмысы басталып кетті. ҚР Президенттігіне кандидаттардың штабтарымен үгіт-насихат материалдарын тарата отырып, халық шоғырланатын жерлерде пикеттер ұйымдастырып, үгіт жұмыстары жүргізілуде. Сонымен қатар, сайлаушыларға «Мекен-жайы көрсетілмеген пошталық тарату» жұмысы орындалып жатыр.