2005 жылғы 12 қарашада Қазақстан Республикасы Орталық сайлау комиссиясының отырысы болып, онда Қазақстан Республикасы Президенттігіне кандидаттардың теледидарлық пікірталастарын өткізу туралы Регламенті бекітілді.
2005 жылғы 11 қазанда қабылданған Үндеуді орындау мақсатында, Қазақстан Республикасының Орталық сайлау комиссиясы Қазақстан Республикасы Президенттігіне кандидаттардың теледидарлық пікірсайысын ұйымдастыруды және өткізу туралы өзіне міндеттеме алды.
Бұл саяси науқанның маңыздылығын ескере отырып, Орталық сайлау комиссиясы Қазақстан Республикасы Президенттігіне кандидаттардың өздерінің сайлауалды бағдарламаларының өзекті мәселелері бойынша өз ұстанымдарымен электоратты таныстыруға, тартысты түрде пікірталасқа түсу мүмкіндігі болуы үшін республикалық телевизиядан қосымша уақыт ұсынып отыр.
Сайлау туралы Конституциялық заң сайланбалы лауазымға кандидаттар үшін де, сайлау комиссиялары үшін де телевизиялық пікірталасты ұйымдастыру және өткізу туралы тікелей жүктемегенімен, оған тыйым да салмайды.
Осыған байланысты, Қазақстан Республикасы Президентін сайлауда теледидарлық пікірталасты өткізуге сайлау үрдісіне қатысушылардың бастамашы болу құқығы бар (оның ішінде кандидаттар, олардың сенім білдірілген адамдары мен Орталық сайлау комиссиясы).
Қазақстан Республикасының Президенттігіне кандидаттар пікірталастарға қатысуға келісуге немесе одан бас тартуға құқылы. Сондай-ақ, пікірсайыстар, екі немесе одан да көп кандидаттардың қатысуымен ұйымдастырылуы мүмкін.
Аталған пікірталас Орталық сайлау комиссиясының бастамасымен өткізілетін болғандықтан, оның тәртібін (регламентін) айқындау және оны қаржыландыру Орталық сайлау комиссиясына жүктеледі.
«Орталық сайлау комиссиясы үшін ең бастысы – теледидарлық пікірталасқа қатысу принципінің ерікті болуы және Қазақстан Республикасы Президенттігіне кандидаттардың барлығына теңдей мүмкіндіктің қамтамасыз етілуі»,- деп атап айтты ҚР Орталық сайлау комиссиясының төрағасы О.Жұмабеков.
Қазақстан Республикасы Президенттігіне кандидаттардың теледидарлық пікірталастары 2005 жылғы 17 қарашада сағат 18.00-де «Хабар» республикалық теледидарлық арнасының студиясында өткізілетін болады.