2005 жылғы 29 қарашада Қазақстан Республикасының Конституциясына сәйкес 1999 жылғы 17 қыркүйекте сайланған және Қазақстан Республикасының Президенті тағайындаған Парламент Сенаты депутаттарының өкілеттік мерзімдері аяқталды, бүгін 2005 жылғы 19 тамызда сайланған және Қазақстан Республикасы Президентінің 2005 жылғы 29 қарашадағы Жарлығымен тағайындалған Парламент депутаттары өз міндеттерін атқаруға кіріседі.
2005 жылғы 19 тамызда өткен Қазақстан Республикасы Парламенті Сенатының депутаттарын сайлауға байланысты, Орталық сайлау комиссиясы «Қазақстан Республикасындағы сайлау туралы» Қазақстан Республикасының Конституциялық заңы 82-бабының 1-тармағына сәйкес облыстық, Астана және Алматы қалалық сайлау комиссияларының Қазақстан Республикасы Парламенті Сенатының депутаттарын сайлау бойынша дауыстарды санау нәтижелері туралы хатттамаларының негізінде сайланған Сенат депутаттарын тіркеді. Олар:

Ақмола облысынан – Серік Әкпенұлы Аяғанов;
Ақтөбе облысынан - Еділбай Исламұлы Иманқұлов;
Алматы облысынан - Нүсіпжан Нұрманбетұлы Нұрманбетов;
Атырау облысынан - Қайрат Қыдрбайұлы Ищанов;
Шығыс Қазақстан облысынан – Талғатбек Жәмшитұлы Абайділдин;
Жамбыл облысынан - Өмірбек Байгелди;
Батыс Қазақстан облысынан - Рашит Сайранұлы Ахметов;
Қарағанды облысынан - Серік Байсеитұлы Ақылбай;
Қызылорда облысынан – Бақберген Сәрсенұлы Досманбетов;
Қостанай облысынан – Евгений Иосифович Аман;
Маңғыстау облысынан - Жансейіт Сәрсенқұлов;
Павлодар облысынан- Жақай Жұбайұлы Нұрғалиев;
Солтүстік Қазақстан облысынан – Тасбай Қабашұлы Симамбаев;
Оңтүстік Қазақстан облысынан – Қуаныш Айтаханұлы Айтаханов;
Астана қаласынан – Аманжол Қуанышұлы Бөлекпаев;
Алматы қаласынан – Ақан Құсайынұлы Бижанов.

Сондай-ақ, Қазақстан Республикасы Президентінің «Үшінші шақырылған Қазақстан Республикасы Парламенті Сенатының депутаттарын тағайындау туралы» 2005 жылғы 29 қарашадағы Жарлығы негізінде Орталық сайлау комиссиясы Парламент Сенатының 7 депутатын тіркеді. Олар:

Нұртай Әбіқаев;
Нұрлығайым Шалданқызы Жолдасбаева;
Әбіш Кекілбаев;
Мұхамбет Жұманазарұлы Көпеев;
Иоган Давидович Меркель;
Мүсірәлі Смайылұлы Өтебаев;
Қуаныш Сұлтанұлы Сұлтанов.

Орталық сайлау комиссиясының Төрағасы Оңалсын Жұмабеков жаңадан тіркелген сенаторларды құттықтап, оларға Парламент депутатының куәлігі мен омырауға тағатын белгісін табыс етті.
Қазақстан Республикасы Парламент Сенатының жаңа құрамы 2005 жылғы 1 желтоқсанда қызметке кірісетін болады.