27.04.2019 |
Нұр-Сұлтан қаласының сайлау комиссиялары үшін кадрлар дайындалуда
2019 жылғы 27 сәуірде Қазақстан Республикасы Президенті жанындағы Мемлекеттік басқару академиясының Кәсіби даму институты базасында Нұр-Сұлтан қаласының аумақтық сайлау комиссияларының мүшелері және учаскелік сайлау комиссияларының басшылары үшін оқыту семинары басталды.
Семинарды ұйымдастырушылар ҚР Орталық сайлау комиссиясы және Нұр-Сұлтан қаласының аумақтық сайлау комиссиясы. Оқыту семинары күндізгі нысанда ұйымдастырылып, ҚР ОСК республика бойынша сайлауды ұйымдастырушылар арасында өткізген қашықтықтан оқыту кезеңін аяқтап отыр.
Оқытуды сайлау заңнамалары мен сайлау процестерін ұйымдастыруда, сайлау науқандарын өткізуде едәуір тәжірибелері бар эксперттер жүргізуде.
Семинар барысында 2017-2018 жылдары сайлау заңнамаларына енгізілген өзгерістерге, мемлекет басшысы сайлауын ұйымдастыру мен өткізу ерекшеліктеріне байланысты тақырыптар ашық талқылануда.
Бағдарламаға сайлау комиссияларының жұмыстарын ұйымдастыру, сайлауда дауыс беру тәртібі мен дауыс беруді қорытындылау, сайлау заңнамаларын бұзғаны үшін жауапкершіліктер, қоғамдық байқаушылар мен БАҚ өкілдерімен өзара қарым-қатынастың тәжірибелік және дәрістік сабақтары енгізілген.
Сайлау комиссиялары мүшелерінің дауыс беру күні сайлаушылармен өзін-өзі ұстауына, мүмкін болатын қақтығыс жағдаяттар мәселелеріне ерекше назар аударылды. Семинарға қатысушылар алған білімдерін «ҚР Президентін сайлау күні» іскерлік ойыны барысында тәжірибелік машықтары арқылы шыңдады.
Семинардың ашылуына Мемлекеттік басқару академиясының ректоры Ахметов А.А., АСК төрағасы Редкокашин В.Н., Орталық сайлау комиссиясы Электораттық оқытуды ұйымдастыру бөлімінің өкілі Рыспеков Т.Ж. қатысты.
Оқудан барлық деңгейдегі астаналық сайлау комиссияларының 40 өкілі өтуде, соңынан сертификаттар алады.
Мамыр айы бойы учаскелік сайлак комиссиялары мүшелері үшін семинар-тренингтер қатары жоспарлануда.
Оқытылған сайлау комиссияларының мүшелері бұдан әрі каскадтық әдіске сай төмен тұрған сайлау комиссиялары мүшелерін оқытады.