2019 жылғы 8 сәуірде Қазақстан Республикасы Орталық сайлау комиссиясының Төрағасы Жапонияның Қазақстан Республикасындағы Төтенше және Өкілетті Елшісімен кездесті

2019 жылғы 8 сәуірде Қазақстан Республикасы Орталық сайлау комиссиясының Төрағасы Б.М. Имашев Жапонияның Қазақстан Республикасындағы Төтенше және Өкілетті Елшісі Касай Тацухикомен кездесті.

Кездесуге Қазақстан Республикасы Орталық сайлау комиссиясының мүшесі З.Х. Баймолдина қатысты.

Кездесу барысында Б.М. Имашев Қазақстан Республикасындағы Жапония Елшілігінің өкілдерін Қазақстан Республикасы Орталық сайлау комиссиясының халықаралық ынтымақтастық саласындағы жұмысының негізгі бағыттарымен таныстырды.

Тацухико мырза кездесуді ұйымдастырғаны үшін алғысын білдірді және Қазақстан мен Жапония арасындағы екіжақты қатынастарды одан әрі нығайтуға және дамытуға үмітін білдірді.

2019 жылғы 6 ақпанда Қазақстан Республикасының Тұңғыш Президенті Н.Ә. Назарбаевқа сенім грамоталарын тапсырған соң Тацухико Касай Жапонияның Қазақстан Республикасындағы Төтенше және Өкілетті Елшісі ретінде қызметін атқаруға кіріскенін атап өткен жөн.