27.03.2019 |
Қазақстан делегациясы Грузияның сайлау органдарының конференциясына қатысты
2019 жылғы 26-27 наурызда Қазақстан Республикасының делегациясы Қазақстан Республикасы Орталық сайлау комиссиясы Төрағасының орынбасары К.В. Петровтың басшылығымен Батуми қаласында (Грузия) өткен «Сайлау әділдігін арттыру: киберқауіпсіздік және цифрлық дәуірдегі ақпараттың дұрыстығы» тақырыбындағы сайлау органдарының 9-шы жыл сайынғы конференциясына қатысты.
Конференция Халықаралық парламенттік зерттеулер орталығы (ХПЗО) және Халықаралық сайлау жүйелері қорының (ХСЖҚ) қолдауымен ұйымдастырылды.
Екі күндік конференция барысында қатысуышлар сайлау әділдігін арттыру, тиісті киберқауіпсіздікпен қамтамасыз ету, БАҚ мен әлеуметтік желілерді қолдану процессі, сайлауды басқару прпоцессінде дұрыс ақпарат жариялау мәселелерін талқылады және осы саладағы өз тәжірибелерімен бөлісті.
Қазақстандық тарап «Ақпаратқа қолжетімділікті қамтамасыз ету цифрлық дәуірде оның сенімділігін арттырудың негізгі факторы» тақырыбында сөйлеген сөзінде мемлекеттік коммуникацияның цифрлық инфрақұрылымын құрудағы қазақстандық тәжірибені баяндады, сондай-ақ сандық дәуірдің жаңа шынайылығы тұрғысынан халықаралық құқықтық нормалар мен стандарттар әзірлеу қажеттігі туралы мәселені алға тартты.
Аталған конференция жұмысына сайлау органдарының (ТМД, Балтық жағалауы, Орта Шығыс, Оңтүстік Азия, Орталық және Оңтүстік Шығыс Еуропа, Шығыс Африка елдері), халықаралық ұйымдардың (Еуропалық Кеңес, ХПЗО, ХСЖҚ, ҰДИ, ХРИ, АҚШ халықаралық даму агенттігі (USAID) және басқалары) және қызметтері саяси технологияларды әзірлеу мен енгізуге бағдарланған маркетингтік компаниялардың (Miru Systems, Smartmatic, Voatz) өкілдері қатысты.
Қазақстандық делегацияның аталған іс-шараға қатысуы Қазақстанның Ортсайлаукомы мен Грузияның жемісті екіжақты ынтымақтастығының жалғасына айналды.