Қазақстанның өкілдері Украина Президентінің сайлауын байқауға қатысады

2019 жылдың 30 наурызынан бастап 1 сәуіріне дейін Қазақстан Республикасының 11 өкілі Украина Президентінің сайлауын байқауға қатысады, олардың екеуі Украина Орталық сайлау комиссиясының шақыруымен, ЕҚЫҰ/ДИАҚБ Миссиясының құрамында - алтау, ЕҚЫҰ Парламенттік Ассамблеясы желісі бойынша - үшеу.

Қазақстан Республикасы Орталық сайлау комиссиясынан байқаушылар делегациясын Төраға Берік Имашев басқарады.

Қазақстан Республикасының өкілдері Киев қ., сондай-ақ Полтава, Ровен, Херсон, Кировоград, Харьков облыстарында байқау жүргізетінін атап көрсеткен жөн.

Украина Президентінің сайлауы 2019 жылдың 31 наурызында өтеді.