18.03.2019 |
2019 жылғы 15 наурызда Қазақстан Республикасы Орталық сайлау комиссиясының мүшесі З.Х. Баймолдинаның төрайымдық етуімен Ортсайлауком жанындағы Сарапшылық-әдістемелік кеңестің отырысы болды
Сарапшылық-әдістемелік кеңес халықаралық нормалар мен шетелдік электораттық тәжірибені ескере отырып, ғылыми зерттеулер жүргізу және консультациялық қызметтер көрсету арқылы қазақстандық сайлау заңнамасы мен құқық қолдану практикасын жетілдіру мақсатында құрылған.
Сарапшылық-әдістемелік кеңестің отырысына Ортсайлауком мүшелері Л.Ж. Сүлеймен, А.Ж. Ихданов, Б.С. Мелдешов, Қазақстан Республикасы ҚР Жоғарғы Сотының жанындағы Соттардың қызметін қамтамасыз ету департаментінің талдау және жоспарлау бөлімінің меңгерушісі Л.С. Жақаева, Қазақстан Республикасы Президенті жанындағы Қазақстанның стратегиялық зерттеулер институты директорының орынбасары болып табылатын М.И. Жұмағұлов, Еуропалық құқық және адам құқықтары институтының директоры М.С. Башимов, заң ғылымдарының докторы, профессор М.А. Сәрсембаев, Қазақстан Республикасы Бас прокуратурасының жанындағы Құқық қорғау органдары академиясының Жоғары оқу орнынан кейінгі білім беру институтының директоры Ш.Ш. Шаяхметов, «М.С. Нәрікбаев атындағы ҚазМЗУ университеті» АҚ жоғары құқық мектебінің директоры С.С. Пен қатысты.
Кеңес мүшелері сайлау комиссияларының және олардың мүшелерінің мәртебесін (заңнама, тәжірибе және шетелдік тәжірибе) анықтау мәселелерін, сондай-ақ ақпараттық-коммуникациялық инфрақұрылымды дамытуға байланысты өзектілігі жақында қозғалған әлеуметтік желідегі бюллетеньді жариялауға жауапкершілікті талқылады.
Отырысқа қатысушылар сайлау комиссияларының құқықтық мәртебесін көтеру және дауыс беру құпиясын сақтау үшін жауаптылық пен озық шетелдік тәжірибені қолдану тәжірибесін ескере отырып, мұқият талдауды және әрі қарай зерделеуді талап ететіні туралы қорытындыға келді.