15.03.2019 |
ҚР ОСК Төрағасының кеңесшісі Анапин М.А. Атырау қаласында өткен аймақтық семинар-тренингке қатысты
2019 жылғы 13-15 наурыз аралығында Қазақстан Республикасы Президентінің жанындағы Мемлекеттік басқару академиясы Орталық Азия өңіріндегі этносаралық және конфессияаралық қатынастарды зерттеу орталығының ұйымдастыруымен Атырау қаласында «Қоғамдық келісім мен бірліктің мемлекеттік саясатын іске асыру, мониторинг жасау және ілгерілету» тақырыбында аймақтық семинар-тренинг өткізілді.
Іс-шараға ішкі саясат және жастар саясаты, тілдерді дамыту, дін істері бойынша басқармалардың, ҚХА облыстық хатшылығының, «Қоғамдық келісім» өңірлік мекемелерінің және түрлі этномәдени ұйымдарының өкілдері қатысты.
Аталған семинар – тренингте Қазақстан Республикасы Орталық сайлау комиссиясы Төрағасының кеңесшісі Мақсатхан Анапин «Мүмкіндіктері шектеулі тұлғалардың сайлау құқықтарын жүзеге асырудағы Қазақстандық дағды және халықаралық тәжірибе» тақырыбында дәріс оқыды.
Дәріс барысында мүмкіндігі шектеулі адамдардың сайлау құқықтары туралы мәселелер талқыланды. Соңында өзара пікір алмасу өткізілді.