14.03.2019 |
ҚР ОСК аппаратының халықаралық ынтымақтастық және хаттама бөлімі меңгерушісінің орынбасары С.Т.Қозыбаева Мемлекеттік басқару академиясында дәріс оқыды
2019 жылғы 14 наурызда Қазақстан Республикасы Орталық сайлау комиссиясы аппаратының халықаралық ынтымақтастық және хаттама бөлімі меңгерушісінің орынбасары Сауле Қозыбаева Қазақстан Республикасы Президентінің жанындағы Мемлекеттік басқару академиясының Кәсіби даму институты ұйымдастырған «Қазақстанның халықаралық шарттарға қатысуының практикалық мәселелері» тақырыбындағы семинарда дәріс оқыды.
Семинар барысында Сәуле Тұрсынханқызы «Қазақстан сайлау процесі саласындағы халықаралық міндеттемелерді орындау субъектісі ретінде» тақырыбына интерактивті пікірталас өткізді.
Интерактивті пікірталас семинар қатысушылары – орталық мемлекеттік органдардың халықаралық ынтымақтастық мәселелерімен айналысатын мемлекеттік қызметкерлердің тақырыпқа деген қызығушылығын арттырды, сондай-ақ осы мәселелер бойынша дәріс оқушының практикалық тәжіирбесін көрсетті.