25.02.2019 |
ҚР ОСК мүшесі З.Баймолдина ТМД байқаушылар миссиясының құрамында Молдова Республикасы Парламентінің депутаттарын сайлауды байқауға қатысты
2019 жылғы 24 ақпанда өткен Молдова Республикасы Парламентінің депутаттарын сайлауды байқауға Қазақстан Республикасынан 11 адам қатысты.
Тәуелсіз Мемлекеттер Достастығы (ТМД) миссиясының құрамында Қазақстаннан 6 байқаушы, ЕҚЫҰ/ДИАҚБ-дан - 1 байқаушы, Молдова Республикасы шақыруымен - 2 және ТМД ПАА желісі бойынша - 2 қатысты.
ТМД-дан байқаушылар миссиясының құрамында Қазақстан Республикасы байқаушыларының делегациясын Қазақстан Республикасының Орталық сайлау комиссиясының мүшесі, ТМД байқаушылар миссиясының үйлестірушілері кеңесінің мүшесі Зәуреш Баймолдина басқарды.
Сайлауды байқаудағы делегация құрамына Қазақстан Республикасы Президенті Әкімшілігінің, ҚР ОСК аппаратының, Шығыс Қазақстан облысының әкімдігі мен мәслихатының өкілдері кірді.
Қазақстандық байқаушылар Кишинев қаласында, сондай-ақ Криулени, Каушан және Штефан-Водэ қалаларында байқауды жүзеге асырды. Олар 40 сайлау учаскесіне барды.
2019 жылғы 25 ақпанында ҚР ОСК мүшесі З.Баймолдина Молдова Республикасы Парламентінің депутаттарын сайлау кезінде ТМД байқаушылар миссиясының жұмысының қорытындысы бойынша баспасөз мәслихатына қатысты.
Конференция барысында ТМД байқаушылар миссиясының басшысы В.Гуминский Молдова Республикасы Парламенті депутаттарының сайлауы Молдова заңнамасына сәйкес жоғары ұйымдастырушылық деңгейде өткізіліп, демократиялық сайлаудың жалпыға бірдей қабылданған халықаралық стандарттарына сай келетінін мәлімдеді.
З.Баймолдина барлық деңгейдегі сайлау комиссияларының жақсы ұйымдастырылған жұмысын және ТМД миссиясының құрамына кіретін қазақстандық азаматтар байқауды жүргізген сайлау учаскелерінде заң бұзушылықтардың жоқтығын атап өтті. Ішінара орын алған кішігірім заң бұзушылықтар байқалған сайлау процесінің жалпы қолайлы әсеріне ықпал етпеді.
2019 жылғы 24 ақпанда Молдовадағы парламенттік сайлау алғаш рет аралас жүйе бойынша өтті. 50 депутат партиялық тізімдер бойынша сайланды, ал 51 депутат бірмандатты округтер бойынша сайланды.