25.02.2019 |
ҚР ОСК хатшысы С.Мұстафина Молдова Республикасы Орталық сайлау комиссиясының шақыруы бойынша 2019 жылғы 24 ақпанда Молдова Республикасы Парламенті депутаттарының сайлауын байқауға қатысты
ҚР ОСК хатшысы С.Мұстафина Молдова Республикасы Орталық сайлау комиссиясының шақыруымен Молдова Республикасы Парламенті депутаттарының сайлауын байқауға қатысты.
Сапар барысында С. Мұстафина Молдова Республикасы Орталық сайлау комиссиясының, Молдова Республикасы Парламентінің, Кишиневтегі ТМД ПАА филиалының өкілдерімен, сондай-ақ Латвия, Ресей Федерациясы, Беларусь, Үндістан сайлау органдарының басшыларымен кездесті.
2019 жылғы 22 ақпанда С.С. Мұстафина Молдова Республикасының ОСК жанындағы Сайлау саласындағы үздіксіз білім беру орталығына барды, сондай-ақ ТМД ПАА Кишинев филиалының директоры Евгений Штирбумен кездесті. Кездесу барысында Е. Штирбу Қазақстан ОСК өкілдеріне Кишиневте ТМД ПАА-ның ДДМХИ филиалы жұмысының негізгі бағыттары мен қызметі туралы хабардар етті.
2019 жылдың 23 ақпанында ҚР ОСК хатшысы С.С. Мұстафина Молдова Республикасының Орталық сайлау комиссиясы ұйымдастырған сайлау бойынша халықаралық сарапшыларға арналған брифингке қатысты. Брифинг барысында Молдова Республикасы Орталық сайлау комиссиясының төрайымы Алина Руссу халықаралық байқаушыларға ағымдағы сайлау науқанының негізгі кезеңдері, сайлауды дайындау және өткізу барысы, осы сайлау ерекшеліктері туралы ақпарат берді.
Сонымен қатар, сол күні ҚР ОСК өкілдері Молдова Республикасы Парламентінің спикері Андриан Кандумен кездесті, ол елдегі басты саяси процестер туралы және қазіргі парламенттің атқарған жұмысы туралы ақпарат берді.
Молдовада болған кезінде С.Мұстафина Қазақстан Республикасының ОСК ынтымақтастығы бар және ынтымақтастық туралы меморандумға қол қойылған Латвия, Ресей Федерациясы, сондай-ақ Беларусь және Үндістан орталық сайлау комиссияларының басшыларымен екіжақты кездесулер өткізді.
2019 жылғы 24 ақпанда сайлау күні Қазақстан Республикасы Орталық сайлау комиссиясының өкілдері сайлау учаскесінің ашылуын, дауыс беру процесін, дауыстарды санауды және сайлау қорытындыларын шығаруды байқау үшін Молдова Республикасы астанасының 10-нан астам сайлау учаскесін аралады, сондай-ақ дауыс беру күнінің соңында Орталық сайлау комиссиясының отырысына қатысты.
Жалпы қазақстандық делегация өкілдері сайлау науқаны өткізудің жоғары деңгейін сайлау комиссияларының Молдова Республикасының қолданыстағы сайлау заңнамасына сәйкес сайлауды дайындау және өткізу үшін қабылдаған, практикалық және техникалық шараларын атап өтті.
Жоғарыда аталған сайлауды байқауға Қазақстан Республикасының 11 өкілі қатысты, олардың екеуі Молдова Республикасы Орталық сайлау комиссиясының шақыруы бойынша, ТМД байқаушылар миссиясының құрамында - алты адам, біреуі ЕҚЫҰ/ДИАҚБ желісі бойынша және екеуі ТМД ПАА делегациясының құрамында.