20.02.2019 |
ҚР ОСК аппаратының мемлекеттік құпиялар мен ақпараттық қауіпсіздік жөніндегі бас консультанты Қ. Арсақбаев Мемлекеттік басқару академиясында дәріс оқыды
2019 жылғы 20 ақпанда Қазақстан Республикасы Орталық сайлау комиссиясы аппаратының мемлекеттік құпиялар мен ақпараттық қауіпсіздік жөніндегі бас консультанты Қанат Арсақбаев Қазақстан Республикасы Президентінің жанындағы Мемлекеттік басқару академиясының Кәсіби даму институтында дәріс оқыды.
«Ақпараттық және киберқауіпсіздік. Саясат және технологиялар» семинарының шеңберінде мемлекеттік органдарда ақпараттық қауіпсіздік функцияларын орындайтын мемлекеттік қызметшілер үшін «Мемлекеттік мекемелердегі ақпараттық қауіпсіздік» тақырыбына интерактивті пікірталас өткізді.
Интерактивті пікірталас нысаны семинар қатысушыларының қызығушылығын, сондай-ақ ақпараттық қауіпсіздік мәселелеріндегі дәріс оқушының практикалық тәжірибесін көрсетті.