ҚР ОСК хатшысы С. Мұстафина Санкт-Петербург қаласында өткен халықаралық конференцияның жұмысына қатысты

ҚР ОСК хатшысы Сәбила Сапарқызы Мұстафина 2019 жылдың 12 ақпанында Санкт-Петербург қаласында өткен «Жас сайлаушылар және кандидаттар: сайлау құқығынан сайлану құқығына дейін» атты халықаралық конференцияның жұмысына қатысты.

Конференцияны Санкт-Петербург қаласының сайлау комиссиясының және Ленинград облысының Сайлау комиссиясының қатысуымен ТМД-ға қатысушы мемлекеттердің Жастар парламентаралық ассамблеясымен бірге ТМД ПАА ДДМХИ ұйымдастырды.

Конференцияға ТМД ПАА қатысушы-мемлекеттердің ұлттық және өңірлік парламенттерінің депутаттары, ТМД орталық және өңірлік сайлау комиссияларының, ТМД ПАА қатысушы-мемлекеттерден жоғары оқу орындарының, қоғамдық ұйымдар мен жастар бірлестіктерінің өкілдері қатысты.

Сәбила Сапарқызы Мұстафина оқып берген ҚР ОСК төрағасы Берік Мәжитұлы Имашевтің құттықтауында ТМД Парламентаралық Ассамблеясының және демократия, парламентаризм және азаматтардың сайлау құқығын сақтау жөніндегі халықаралық бақылау институтының ТМД қатысушы – елдердің сайлау процестерінің заңңамалық негізін жетілдірудегі, сондай-ақ сайлаушылар мен сайлауларды ұйымдастырушылардың электораттық – құқықтық мәдениетін қалыптастырудағы, мемлекетті басқару мәселелеріне жас сайлаушылардың қызығушылығын арттырудағы маңызды үлесі аталды.

«27 жыл бұрын, 27 наурызда Қазақстанда 1992 жылы ТМД ПАА-ның құрылуы туралы келісімге қол қойылғаны маңызды. Осы жылдар ішінде Қазақстан сайлау заңнамасында жоғары халықаралық стандарттарға және сайлауларды ұйымдастыруда осы саладағы кең ауқымды қызметтестіктің белсенді жақтаушысы бола отырып, өте мықтылық танытты. Демократияны дамытудың халықаралық институтын құрудың алғашқы жылдарынан бастап, парламентарийлер мен Қазақстанның сайлау жүйесіндегі өкілдер оның жұмысына қатысты », - деп атап өтілді Б.М.Имашевтің құттықтауында.

Конференция аясында «Сайлау кезіндегі бейқамдық: шынайылық әлде аңыз ба?» және «Сайлау институты арқылы жастарды саяси процестерге тарту» деген тақырыптарға дөңгелек үстелдердің отырыстары өтті.

«Сайлау институты арқылы жастарды саяси процестерге тарту» атты дөңгелек үстелдің жұмысына Қазақстан Республикасының Президенті жанындағы Мемлекеттік басқару академиясының Павлодар облысы бойынша филиалының директоры, «Павлодар өңірлік басқару мектебі» қоғамдық қорының жобалық менеджері Гүлнара Константиновна Исенова қатысып, «Z ұрпағын электоралдық оқытудағы әдістердің өзгеруі» деген тақырыпқа таныстырылым жасады.

Конференция барысында жастардың құқықтық және сайлау мәдениетін дамыту, жас сайлаушылардың назарын өңірлік және муниципалдық сайлауға аудару, халықтың азаматтық жауапкершілігін қалыптастыру, жас сайлаушылардың мемлекетті басқаруға деген қызығушылығын арттыру мәселелері талқыланды.

Баяндамашылар өз елдеріндегі жастарды заң шығару органдарының жұмысына тартудың ең үздік тәжірибесімен бөлісіп, жастардың сайлау процесіне қатысуына кері әсерін тигізетін заманауи қауіп-қатерлерді талқыға салды.

Сондай-ақ конференцияға қатысушылар ТМД ПАА ДДМХИ және оның филиалдары сайлау саласында жүргізген зерттеулердің нәтижелерімен танысты және конференция барысында осы ғылыми еңбектердің авторларымен тілдесті.

Конференция аясында тәжірибемен алмасу мақсатында С. Мұстафина Ленинград облысының Жастар парламентімен және Жастар сайлау комиссиясымен, сондай-ақ Санкт-Петербург қаласының Заң шығару мәжілісінің өкілдерімен өткен кездесулерге де қатысты.