ҚР ОСК хатшысы С. Мұстафина Мәскеудегі Халықаралық конференцияға қатысуда

2017 жылдың 21-22 қыркүйегінде ҚР ОСК хатшысы Сәбила Мұстафина Мәскеу қаласындағы (Ресей Федерациясы) Ресей Федерациясы Орталық сайлау комиссиясының ұйымдастыруымен «Көпполярлы әлем жағдайындағы заманауи сайлау үрдістері» тақырыбындағы Халықаралық конференцияға қатысуда.

Іс-шараға ТМД атқарушы хатшысы – Атқару комитеті төрағасының бірінші орынбасары В.Гуминский, ШЫҰ Бас хатшысының орынбасары Кайвэнь Ван, Халықаралық істер Федерация кеңесі комитеті басшысының орынбасары А.Климов, Әзербайжан, Армения, Беларусь, Молдова, Қырғызстан, Тәжікстан, Өзбекстан, Филиппин, Пәкістан, Үндістан және басқа да елдердің орталық сайлау органдарының басшылары қатысуда.

Тараптар сайлауды ұйымдастырудың  ұлттық халықаралық-құқықтық тәсілдерін өзектендіру, сондай-ақ қатысушы мемлекеттер арасында сайлау науқандарын өткізу жөніндегі тәжірибесі туралы мәселелелерді талқылауда.

С.Мұстафина «Қазақстан Парламентіне Қазақстан Халқы Ассамблеясының өкілдерін сайлауды ұйымдастыру-құқықтық негіздері» тақырыбында баяндама жасап, қатысушыларға Қазақстан Халқы Ассамблеясының сайлау процесіндегі ролін, сондай-ақ қазақстандық биліктің сайланбалы органдарында ұлттық азшылықтардың өкілдігін  қамтамасыз етудің қазақстандық тәжірибесі туралы таныстырады.

Кеңеске қатысушылар әділ сайлау өткізу үшін және мемлекеттердің электораттық егемендігін нығайтуда күш-жігерді біріктірудің маңыздылығын атап көрсетуде.