21.09.2017 |
Ортсайлауком Төрағасының орынбасары
К. Петров қазақстандық делегация құрамында Германияның бірқатар
федералды органдарында болып қайтты
Төраға орынбасары Константин Петров Германия Федеративтік Республикасында (Берлин қаласы) 2017 жылғы 17 – 21 қыркүйек аралығында сайлау алдындағы науқандар кезеңінде, атап айтқанда, 2017 жылғы 24 қыркүйекте өтетін федералдық сайлау алдында саяси коммуникациялар мәселелеріндегі Германияның тәжірибесін зерделеу мақсатында Германия Федеративтік Республикасына ақпараттық-танысу сапарына қатысуда.
Сапар барысында Федералдық баспасөз қызметінің, Ішкі істер федералдық министрлігінің жұмысымен танысты. Ол сондай-ақ Ішкі істер федералдық министрлігінің баспасөз хатшысымен, «Германия Демократиялық христиан одағы» саяси партиясының өкілдерімен, Конрад Аденауэр атындағы Қор қызметкерлерімен, Қазақстан Республикасы Төтенше және Өкілетті Елшісі Б.Т Нүсіповпен кездесуге және сайлау науқанын байқауға, Гамбург қ. Германия канцлері Ангела Меркельдің сөзін тыңдауға қатысты.
Ақпараттық – таныстыру сапарын ұйымдастырушы Қазақстандағы Конрад Аденауэр атындағы Қордың өкілдігі болып табылады, оның басымдықты жұмыс бағыты азаматтармен саяси коммуникацияларды тиімді басқару, сондай-ақ қоғамдық процестер мен халық мүдделерінің өкілдері ретінде мемлекеттік органдардың жұмысын оңтайландыру болып табылады.