ҚР ОСК-да сыбайлас жемқорлыққа қарсы іс-қимыл жөніндегі шаралар туралы дәріс оқылды

15 қыркүйекте Қазақстан Республикасы Орталық сайлау комиссиясында Мемлекеттік қызмет істері және сыбайлас жемқорлыққа қарсы іс-қимыл агенттігінің қызметкері Ольга Шиянның дәрісі болды.

Бұл іс-шара Ортсайлаукомның сыбайлас жемқорлыққа қарсы іс-қимыл жөніндегі іс-шаралар жоспарына сәйкес өтті.

О. Шиян ОСК аппаратының қызметкерлері алдында «Сыбайлас жемқорлыққа қарсы іс-қимылдың заманауи үрдістері туралы» дәріс оқыды.

Сондай-ақ дәріс шеңберінде мектепке дейінгі жастан бастап сыбайлас жемқорлыққа қарсы мәдениетті арттыру мақсатында уәкілетті орган қабылдаған шаралар мен еліміздің азаматтарының сыбайлас жемқорлық көріністеріне төзімсіздігі туралы бейнеролик көрсетілді.

Іс-шара соңында дәріс оқушыға сұрақтар қойылып, оларға толыққанды жауаптар берілді.