11.08.2017 |
Ортсайлауком жанында мүгедектердің сайлау құқықтарын қамтамасыз ету жөніндегі жұмыс тобы құрылды
БҰҰ-ның мүгедектер құқығы туралы Конвенциясын іске асыру аясында Қазақстан Республикасы Орталық сайлау комиссиясының жанында мүгедектердің сайлау құқықтарын қамтамасыз ету жөніндегі жұмыс тобы құрылды.
Жұмыс тобын құрудағы мақсат мүгедектердің жалпыға бірдей (белсенді және жанама) сайлау құқықтарын қамтамасыз ету, сайлау кезінде мемлекеттік органдар мен сайлау космиссияларының мүгедектер мүдделеріне қатысты шешімдер дайындау және қабылдау кезінде мүгедектердің қоғамдық бірлестіктері мен олардың өкілдерімен бірлесіп іс-шаралар кешенін дайындау болып табылады.
Жұмыс тобының құрамына:
Сүлеймен Ләззат Жаңылысқызы - Қазақстан Республикасы Орталық сайлау комиссиясының мүшесі (жұмыс тобының басшысы);
Жақыпова Cветлана Қабыкенқызы - Қазақстан Республикасы еңбек және халықты әлеуметтік қорғау вице-министрі;
Оспанов Cерік Жамекұлы - Адам құқықтары жөніндегі орталықтын Басшысы;
Қосмұратов Ерлан Сарыбекұлы - «Қазақстан Республикасы Орталық сайлау комиссиясының Инженерлік-техникалық орталығы» ШЖҚ РМК-ның» директоры м.а.;
Ысқақов Дәурен Тлеукенұлы - Қазақстан Республикасы Орталық сайлау комиссиясы аппаратының сайлау процесін ұйымдастыру және ОСК мүшелерінің қызметін қамтамасыз ету бөлімі меңгерушісінің орынбасары;
Қалтаева Ләззат Молдабекқызы - «Мүгедектікпен әйелдердің «Шырақ» Ассоциациясы» қоғамдық бірлестіктің төрайымы, Алматы қаласы Мәслихатының депутаты;
Алаев Вениамин Юрьевич - Қ.Иманғалиев атындағы мүгедектердің құқықтары жөніндегі комиссия төрағасы енді.
Ақпарат ретінде:
2015 жылғы 20 ақпанда Қазақстан Республикасы ратификациялаған БҰҰ-ның мүгедектердің құқығы туралы Конвенциясы 35-бабы 1-тармағына сәйкес, ҚР Үкіметі 2017 жылғы 1 маусымда Қазақстан Республикасында іске асырылған шаралар туралы бастапқы баяндаманы қабылдады.
2012 – 2016 жылғы уақыт аралығын қамтитын баяндамада Конвенция ережесіне тікелей қатысы бар заң шығарушылық, сот, әкімшілік, практикалық және өзге де іс-шаралар көрсетілген.
Құжат Қазақстан Республикасы Еңбек және әлеуметтік қорғау министрлігі тарапынан қызметінде мүгедек жандардың құқығын қорғау және қамтамасыз ету өкілеттігі бар басқа мемелекеттік мекемелер мен ұйымдармен бірлесіп дайындалды.