БАСПАСӨЗ РЕЛИЗІ

Қазақстан Республикасы Орталық сайлау комиссиясының Төрағасы

Б.М. Имашев сайлауды ұйымдастыруға жауапты органдардың

14-ші Еуропа конференциясына қатысты

2017 жылғы 15-16 мамырда Санкт-Петербург қаласында Ортсайлаукомның Төрағасы Б.М. Имашев Еуропа Кеңесінің құқық арқылы демократия үшін Еуропа комиссиясымен (Венеция комиссиясы) бірлесіп Ресей Федерациясы Орталық сайлау комиссиясы мен ТМД-ға қатысушы-мемлекеттердің Парламентаралық Ассамблеясы ұйымдастырған «Тиімді сайлау органдары және демократиялық сайлау» атты сайлауды ұйымдастыруға жауапты органдардың 14-ші Еуропа конференциясына қатысты.

Сайлауды ұйымдастыруға жауапты еуропалық органдардың конференцияларын Еуропа Кеңесіне мүше мемлекеттердің орталық сайлау органдарының жәрдемдесуімен жыл сайын Еуропа Кеңесінің Венеция комиссиясы өткізеді. 1997 жылдан бастап Қазақстан Еуропа Кеңесімен және оның құрылымдарымен ынтымақтасады. 2012 жылғы наурызда Қазақстан Еуропа Кеңесі Венеция комиссиясының ресми мүшесі мәртебесін алды.

Конференцияда басты назар сайлау органдарының жұмысы мен олардың құрылымына, құрамына, жұмыс істеу шарттарына олардың сайлау процесін ашық, тәуелсіз және бейтарап негізде толыққанды қамтамасыз ету тұрғысынан аударылды. Осылайша, «жедел сайлау органдары» және «демократиялық сайлау» өзара тығыз байланысты.

Сонымен қатар, 2017 жылғы 16 мамырдағы конференция шеңберінде Ортсайлаукомның Төрағасы Берік Мәжитұлы Имашев Ресей Федерациясы Орталық сайлау комиссиясының мүшесі Василий Николаевич Лихачевпен кездесті, онда екі жақты ынтымақтастықты дамыту перспективалары талқыланды.