ҚР ОСК мүшелері Л.Ж. Сүлеймен мен К.В. Петровтың

Дүниежүзілік сайлау органдары қауымдастығының Бас Хатшысы Ким Йонг-Химен Сеул қаласындағы кездесуі туралы

Бүгін, 2017 жылғы 4 мамырда, Корея Республикасы Президентінің 19 – сайлауын байқау шеңберінде ҚР ОСК мүшелері Л.Ж. Сүлеймен мен К.В. Петров Дүниежүзілік сайлау органдары қауымдастығының (ДСОҚ) Бас Хатшысы Ким Йонг-Химен кездесті.

2017 жылғы 14 қазанда құрылған, құрамында әлемнің 94 елінің 97 сайлау органын біріктірген Дүниежүзілік қауымдастық қатысушы елдерге сайлау органдары мүшелерінің кәсіби деңгейін арттыруға көмек,  сондай-ақ олардың әлеуетін нығайту бойынша техникалық көмек көрсетеді.

Қазақстан тарапының бастамасы бойынша болған кездесуде талқыланған негізгі мәселе -  сайлау процесінде заманауи технологияларды қолдану туралы пікір алмасу болды.

«Біздің мақсатымыз -  сайлауға барлық қатысушылар тарапынан сайлау процесіне сенімді арттыру үшін ақпараттық-коммуникациялық технологияларды қолдануды кеңейту» - деді ДСОҚ Бас Хатшысы.

Ол сондай-ақ Қоғамдастықтың әлемнің көптеген елдеріндегі сайлау процесін қолдау бағдарламалары жөніндегі мамандарды оқыту, сайлаушылар, сайлауды ұйымдастырушылар, кандидаттарды тіркеу, қаражатты жұмсау туралы есеп беруді құрастыру туралы мәліметтерді басқару бөлігінде бағдарламалық қамтамасыз етудің стандартты модельдерін әзірлеу және қолдау мәселелері бойынша қызметін сипаттады.

Ким Йонг-Хи таңдаушыларды саусақтың ізі, фотосуреттер, id-карталар негізінде сәйкестендіру жөніндегі бағдарламаларды іске асыруға, қорытындыларды санауды автоматтандыру және есептерді шоғырландыруға толығырақ тоқталды.

ҚР ОСК мүшелері Қоғамдастықтың Бас хатшылығын Қазақстанның 25 жылғы тәуелсіздігінде сайлау жүйесінің қалыптасуы мен дамуының кезеңдері туралы ақпараттандырды.

Кездесу қорытындылары бойынша қазақстандық тарап Ким Йонг-Хиге ұсынылған Корея Республикасы президентін сайлауды байқауды жүзеге асыру мүмкіндігіне алғысын білдіріп, одан әрі жемісті ынтымақтастықты нығайту дайындығына сенім білдірді.