18.02.2017 |
2017 жылғы 17 ақпанда Қазақстан Республикасы
Орталық сайлау комиссиясының ашық отырысы болды
2017 жылғы 17 ақпанда Ортсайлаукомның 2016 жылғы қызметінің қорытындыларын қарауға және 2017 жылға жұмыс жоспарын талқылауға арналған Қазақстан Республикасы Орталық сайлау комиссиясының ашық отырысы болды.
Отырыста ҚР ОСК Төрағасы Б.М.Имашев, ҚР ОСК Төрағасының орынбасары В.К. Фоос, Комиссия хатшысы Б.С. Мелдешов, Ортсайлауком мүшелері С.С. Мұстафина, К.В. Петров, М.А. Сәрсембаев және Л.Ж. Сүлеймен, ҚР Жоғарғы соты мамандандырылған сот алқасының судьясы Д.А. Шипп, ҚР Ішкі істер министрлігі Көші-қон полициясы департаменті басшысының орынбасары Г.О. Сарсенова сөз сөйледі.
Сөз сөйлеу барысында Ортсайлаукомның алдағы жұмысының басымдықтары айқындалып, нақты бағыттар бойынша Комиссияның қызметін ұйымдастырудың жаңа нысандары, әдістері мен тәсілдері талқыланды.
Өз қызметінде Ортсайлауком аумақтық сайлау комиссияларымен неғұрлым белсенді электораттық оқыту, сайлау практикасының мониторингі, сайлау технологияларын дамытудағы халықаралық тәжірибені зерделеу, сайлауда инновациялық тәсілдерді әзірлеу және сайлаушыларға қолайлы жағдайлар жасау, сайлаушыларды есепке алу жөніндегі жұмыстың тиімділігін арттыру, барлық деңгейдегі сайлау комиссиялары мүшелерінің біліктілігі мен жауапкершілігінің артуын ынталандыру мәселелеріне ерекше көңіл бөлуді жоспарлап отыр.
Ағымдағы жылы төрт кезекті сайлау науқаны өтеді:
- мәслихаттардың шығып қалған депутаттарының орнына сайлау (наурызда және қазанда);
- Сенат депутаттарының 2011 жылғы 19 тамызда сайланған депутаттарының орнына сайлау;
- Қазақстан Республикасының аудандық маңызы бар қалалары, ауылдық округтері, ауылдық округтің құрамына кірмейтін кенттер мен ауыл әкімдерінің сайлауы (тамызда).
Сайлау науқандарының бірі қазір өтуде: 58 сайлау округінде мәслихаттардың шығып қалған депутаттарының орнына сайлауда кандидаттарды ұсыну жүріп жатыр.
Электораттық жылды мәслихаттардың шығып қалған депутаттарының орнына депутаттарды сайлау жөніндегі сайлау науқаны аяқтайды, жергілікті жерлерде сайлау а.ж. 29 қазанында өтеді.
ҚР ОСК Б. Имашев аумақтық сайлау комиссияларының алдында 2017 жылғы сайлау науқандарын тиімді ұйымдастыру жөнінде міндеттер қойды.
Баяндамаларды талқылау барысында, сондай-ақ отырыстан кейін болған семинарда аумақтық сайлау комиссияларының өкілдері Ортсайлауком мүшелерімен бірлесіп сайлау науқандарын ұйымдастыру және өткізу барысында кездесетін мәселелерді шешу жолдарын қарастырды.
Сонымен қатар Ортсайлауком басшысының облыстық, Астана және Алматы ққ. сайлау комиссияларының төрағаларымен жеке кездесуі болды.
Алдағы уақытта Ортсайлауком өзінің ашық отырыстарында неғұрлым өзекті мәселелер мен сұрақтарды, сондай-ақ аумақтық сайлау комиссияларының қызметі туралы есеп беруді бірлесіп талқылауды дағдыға айналдыруға ниетті.