13.02.2017 |
БАСПАСӨЗ РЕЛИЗІ
ҚР ОСК Төрағасы Б. Имашев Түрікменстандағы президент сайлауын байқауға қатысты
2017 жылғы 12 ақпанда Қазақстан Республикасы Орталық сайлау комиссиясының Төрағасы Б. Имашев ТМД-дан байқаушылар Миссиясының құрамында 12 ақпанда болатын Түрікменстан Президентінің сайлауын байқауға қатысуда.
Сайлау күні Қазақстан Ортсайлаукомының Басшысы Ашғабаттағы бірқатар сайлау учаскелерін аралап, дауыс беру және дауыстарды санау рәсімдерінің ерекшеліктерімен, учаскелік сайлау комиссияларының жұмысымен және олардың ұлттық сайлау заңнамасы нормаларының сақталуын қамтамасыз етуімен танысты.
Жұмыс сапары барысында, 10 ақпанда, Ашғабат қаласында ҚР ОСК Төрағасы Берік Имашев осы елдің Министрлер кабинеті Төрағасының орынбасары - Сыртқы істер министрі Рашид Мередовпен кездесті. Тараптар екіжақты қазақстандық-түрікмендік ынтымақтастықтың өзекті мәселелерін талқылады.
11 ақпанда Б. Имашев Түрікменстан сайлау және референдумдарды өткізу жөніндегі орталық комиссиясының Басшысы Гулмурад Мурадовпен кездесті. Кездесу барысында Түрікменстан Президенті сайлауының тәжірибелік аспектілері, науқанның барысы мен ерекшеліктері, сайлау органдарының жұмысы, сондай-ақ олардың сайлау процесінің ашықтығы мен оның ұлттық сайлау заңнамасының нормаларына сәйкестігін қамтамасыз ету үшін алдын ала қабылданған шаралар талқыланды.
Түрікменстан мен Қазақстан орталық сайлау органдарының арасында сайлауда байқаушылар топтарымен алмасу және сайлауды ұйымдастыру және өткізу тәжірибесін зерделеу жөнінде тығыз серіктестік қарым-қатынас орнағаны атап өтілді.
ТМД-дан байқаушылар Миссиясының құрамына барлығы 73 байқаушы енді, оның ішінде 11-і Қазақстан Республикасынан.