15.09.2016 |
БАСПАСӨЗ РЕЛИЗІ
Мәслихаттардың шығып қалған депутаттарын сайлау жөніндегі
сайлау науқанының барысы туралы
«Қазақстан Республикасындағы сайлау туралы» Қазақстан Республикасы Конституциялық заңының 101-бабы 4-тармағына сәйкес ағымдағы жылғы 30 қазанда республиканың 10 өңірінде мәслихаттардың шығып қалған депутаттарының орнына 31 сайлау округінде сайлау өтеді.
Барлығы облыстық мәслихаттардың 4 депутаты, қалалық мәслихаттардың 11 депутаты және аудандық мәслихаттардың 16 депутаты сайланады.
Қазіргі уақытта кандидаттарды ұсыну жүргізілуде.
14 қыркүйектегі жағдай бойынша 28 адам ұсынылды. Олардың барлығы өз кандидатураларын өзін-өзі ұсыну тәртібімен ұсынды.
Ұсынылған кандидаттардың 2-еуі облыстық, 12-сі – қалалық және 14-і – аудандық мәслихаттарға дауысқа түсуде.
Сайлау науқаны сайлау заңнамасы нормаларының талаптарына сәйкес өтуде.
Орталық сайлау комиссиясына шағымдар мен өтініштер келіп түскен жоқ.