04.04.2024 |
2024 жылғы 25 сәуірге тағайындалған Қызылорда облысынан Қазақстан
Республикасы Парламенті Сенатының шығып қалған депутатының
орнына сайлауда Қазақстан Республикасы Парламенті Сенатының
депутаттығына кандидаттың республикалық бюджет қаражатынан
жабылатын шығыстарының мөлшерлерін белгілеу туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. Қазақстан Республикасы Парламенті Сенатының депутаттығына кандидаттың республикалық бюджет қаражатынан жабылатын шығыстарының мынадай мөлшерлері белгіленсін:
1) бағдарламаны теледидар, радио арқылы баяндау және мерзімді баспасөз басылымдарында екі мақала жариялау – 400 000 (төрт жүз мың) теңге;
2) сайлау алдындағы жария іс-шараларды өткізу және үгіт материалдарын шығару – 170 000 (жүз жетпіс мың) теңге;
3) көліктік шығыстар – 100 000 (жүз мың) теңге.
2. Осы қаулы Қазақстан Республикасы Парламенті Сенатының депутаттығына тіркелген кандидаттардың назарына жеткізу үшін Қызылорда облыстық сайлау комиссиясына жіберілсін.
3. Осы қаулы Қазақстан Республикасы Орталық сайлау комиссиясының интернет-ресурсында жариялансын.
Төраға м.а. |
К. Петров |
Хатшы |
М. Ерман |
Астана қаласы,
2024 жылғы 4 сәуір
№ 24/26