Аудандардың, облыстық маңызы бар қалалардың, аудандық маңызы

бар қалалардың, ауылдардың, кенттердің, ауылдық округтердің

әкімдерін сайлауды өткізу кезінде аумақтық сайлау комиссияларының 

интернет-беттерін сүйемелдеу және толтыру жөніндегі нұсқаулықты бекіту туралы

 

«Қазақстан Республикасындағы сайлау туралы» Қазақстан Республикасы Конституциялық заңының 12-бабына, 20-бабының 1-тармағына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қоса беріліп отырған Аудандардың, облыстық маңызы бар қалалардың, аудандық маңызы бар қалалардың, ауылдардың, кенттердің, ауылдық округтердің әкімдерін сайлауды өткізу кезінде аумақтық сайлау комиссияларының интернет-беттерін сүйемелдеу және толтыру жөніндегі нұсқаулық бекітілсін.

2. Облыстардың, аудандардың, облыстық маңызы бар қалалардың әкімдері тиісті аумақтық сайлау комиссияларының интернет-беттерін уақтылы сүйемелдеу және олардың жұмыс істеуін қамтамасыз ету жөнінде қажетті шаралар қабылдасын.

3. Облыстардың, аудандардың, облыстық маңызы бар қалалардың аумақтық сайлау комиссиялары тиісті аумақтық сайлау комиссияларының интернет-беттерін уақтылы ақпараттық толықтыруды және өзектендіруді қамтамасыз етсін. 

4. «Аудандық маңызы бар қалалардың, ауылдардың, кенттердің, ауылдық округтердің әкімдерін сайлауды өткізу кезінде Қазақстан Республикасы аумақтық сайлау комиссияларының интернет-беттерімен жұмыс істеу және оларды сүйемелдеу жөніндегі нұсқаулықты бекіту туралы» Қазақстан Республикасы Орталық сайлау комиссиясының 2021 жылғы 24 маусымдағы №7/413 қаулысының күші жойылсын.

5. Осы қаулы облыстардың әкімдіктері мен сайлау комиссияларына жіберілсін.

6. Осы қаулы Қазақстан Республикасы Орталық сайлау комиссиясының интернет-ресурсында жариялансын.

7. Осы қаулының орындалуын бақылау Қазақстан Республикасы Орталық сайлау комиссиясының аппаратына жүктелсін.

8. Осы қаулы қол қойылған күнінен бастап қолданысқа енгізіледі.

Қосымша 1..

Қосымша 2..

 

 

Төраға	Н. Әбдіров
Хатшы	М. Ерман

 

 

Астана қаласы,

2023 жылғы 14 қыркүйек,

№ 85/784