07.03.2023 |
2023 жылғы 19 наурызға тағайындалған Қазақстан Республикасы
Парламенті Мәжілісі депутаттарының кезектен тыс сайлауына
кандидаттардың партиялық тізімдерін ұсынған саяси партиялардың
сайлау алдындағы телевизиялық пікірсайысын ұйымдастыру және өткізу
мәселелері туралы
«Қазақстан Республикасындағы сайлау туралы» Қазақстан Республикасы Конституциялық Заңының 27-бабы 3-тармағының 2) тармақшасына және 28-бабының 3-тармағына және «Сайлау алдындағы пікірсайыстарды өткізу қағидалары мен шарттарын бекіту туралы» Қазақстан Республикасы Орталық сайлау комиссиясының 2018 жылғы 25 тамыздағы № 12/198 қаулысына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. 2023 жылғы 19 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауында кандидаттардың партиялық тізімдерін ұсынған саяси партиялардың сайлау алдындағы телевизиялық пікірсайысын өткізу регламенті осы қаулыға 1-қосымшаға сәйкес келісілсін.
2. 2023 жылғы 19 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауында кандидаттардың партиялық тізімдерін ұсынған саяси партиялардың сайлау алдындағы телевизиялық пікірсайысына қатысушылардың тізімі осы қаулыға 2-қосымшаға сәйкес бекітілсін.
3. Қазақстан Республикасы Орталық сайлау комиссиясының аппараты осы қаулыны Қазақстан Республикасы Парламенті Мәжілісі депутаттарының кезектен тыс сайлауында кандидаттардың партиялық тізімдерін ұсынған саяси партиялар штабтарының және «Хабар» Агенттігі» АҚ назарына жеткізсін.
4. Осы қаулының орындалуын бақылау Қазақстан Республикасы Орталық сайлау комиссиясының мүшесі А.Г. Щегорцоваға жүктелсін.
Төраға |
Н. Әбдіров |
Хатшы |
М. Ерман |
Астана қаласы
2023 жылғы 07 наурыз
№ 57/746