Қазақстан Республикасы Парламенті Мәжілісінің депутаттығына

№1 бірмандаттық аумақтық сайлау округі бойынша кандидат

Б.Ә. Әлиевтің шағымы туралы

«Қазақстан Республикасындағы сайлау туралы» Қазақстан Республикасының Конституциялық заңының 12-бабының 1) және 5) тармақшаларына, 16-1-бабына, 20-бабының 10-тармағына және 89-бабына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Астана қаласы бойынша Мемлекеттік кірістер департаменті Батыр Әлиұлы Әлиев ұсынған мәліметтердің негізінде кандидат және (немесе) оның зайыбы декларациялаған активтер мен міндеттемелер туралы мәліметтердің дұрыстығын қосымша тексеріп, тексеру қорытындылары бойынша тиісті ақпаратты №1 бірмандаттық аумақтық сайлау округі бойынша округтік сайлау комиссиясына жолдасын.

2. №1 бірмандаттық аумақтық сайлау округі бойынша округтік сайлау комиссиясы кандидат және (немесе) оның зайыбы декларациялаған активтер мен міндеттемелер туралы мәліметтердің дұрыстығын қосымша тексеру қорытындылары бойынша ұсынылған Астана қаласы бойынша Мемлекеттік кірістер департаментінің ақпараты негізінде «№1 бірмандаттық сайлау округі бойынша Қазақстан Республикасы Парламенті Мәжілісінің депутаттығына кандидат Батыр Әлиұлы Әлиевті тіркеу туралы» 2023 жылғы 8 ақпандағы № 71 шешімнің күшін жою туралы мәселені қайта қарасын және 2023 жылғы 24 ақпандағы № 173 хаттама бойынша тиісті шешім қабылдасын.

3. Осы қаулы Астана қаласы бойынша Мемлекеттік кірістер департаментіне және №1 бірмандаттық сайлау округі бойынша округтік сайлау комиссиясына жіберілсін.

4. Осы қаулы Қазақстан Республикасы Орталық сайлау комиссиясының интернет-ресурсында жариялансын.

Астана қаласы

2023 жылғы 28 ақпан

№ 52/741